20:467  467  EPISTOLAE  4194-4196  468  les  uns  a  Bordeaux  qui  ont  fait  amendes  honorables,  les  autres  a  Agen  qui  y  sont  encores.  On  en  voit  auiourdhui  beaucoup  de  semblables  petit  moynes  voyant  que  dieu  esclarsit  le  soleil  de  justice  et  que  leur  marmite  ce  refroidit.  Je  delaisse  a  dire  que  ce  gallant  s'en  soit  laissant  la  les  povres  brebis  esgareez  et  en  est  alle  faire  autant  en  un  autre  lieu.  Par  quoy  si  tel  estoit  vostre  bon  plaisir  et  que  trovisiez  cela  estre  expedient  de  nous  mander  une  lettre  adressee  a  ce  quilz  n'eussent  a  recevoir  homme  vivant  pour  prescher  sinon  ceux  qui  auront  bon  tesmoignage  de  ceux  lesquelz  sont  envoyes.  Et  nous  desfendre  estroitement  de  n'imposer  facilement  les  mains  a  aucuns  que  nous  les  cognoissions  de  longue  main  ny  mesme  les  Eglises.  Oar  il  y  en  a  qui  singerent  j  ncontinent  de  donner  authorite  de  prescher  sans  s'estre  diligemment  enquestes  de  leur  vie  et  doctrine.  Si  vous  faittes  cela  il  n'y  a  nulle  faute  que  vous  feres  un  grand  service  a  dieu  et  empescheres  beaucoup  de  scandales  et  confussions.  Au  reste  Monsieur  nous  avons  receu  ce  19e.  jour  de  Juin  la  confession  de  foy  les  articles  qui  ont  este  approuvez  et  arrestez  a  un  synode  a  paris.  Nous  mettrons  la  meilleure  peine  que  nouz  pourons  a  les  mettre  en  effet  Dieu  aydant.  Nous  ny  avons  sceu  aller  par  faute  d'avoir  este  avertis  de  bonne  heure  comme  nous  l'avons  mande  a  Mr.  de  Colonges  et  aux  autres.  Mais  nous  y  avons  envoye  homme  tout  expres.  Le  Seigneur  Dieu  vous  augmente  ses  graces  et  benedictions  spirituelles  a  son  honneur  et  contentement  et  pour  le  salut  de  sa  povre  Eglise.  Saluez  en  nostre  nom  s'il  vous  plaist  et  au  nom  de  toute  nostre  Eglise  toute  vostre  noble  compaignie.  Nous  pleurons  et  gemissons  sans  cesse  la  maladie  de  Mr.  nostre  pere  Mr.  despeville  Et  prions  avec  pleurs  et  larmes  nostre  bon  dieu  et  pere  que  son  plaisir  soit  nous  le  conserver  encor  en  ces  derniers  temps  si  durs  et  fascheux  et  quil  ne  nous  punisse  pas  a  la  rigur  en  nous  destituant  de  son  secours  et  ayde.  Dieu  m'en  est  tesmoin  que  je  ne  mens  point.  Dieu  par  sa  bonte  et  misericorde  luy  donne  sante  Ainsi  quil  cognoist  estre  necessaire  pour  son  honneur  et  gloire  Et  quil  luy  plaise  avoir  pitie  de  nous.  Ainsi  soit  il.  Escrit  ce  25.  jour  de  juin  1559  A  S.  Foy.  Par  vostre  humble  serviteur  obeissant  a  jamais  Seelac  st.