9:466  pueros  quidem  sua  futilitate  posthac  decipiet,  quia  statim  videant  omnes,  malorum,  a  quibus  alienissimi  sumus,  culpam  falso  et  iniuste  in  nos  conferri.  Iam  quum  palam  omnibus  constet,  nec  Lutheri,  nec  cuiusquam  nostrum  suffragatione  fuisse  adiutos  quicunque  fanatico  spiritu  abrepti  impios  et  detestandos  errores  sparserunt,  certe  nihilo  magis  eorum  impietate  nos  gravari  aequum  est,  quam  olim  sustinere  debuit  Paulus  ex  Hermogene  !)  et  Phileto  (2.  Tim.  2,  17),  qui  iactabant  resurrectionem  esse  factam,  ne  qua  amplius  spes  restaret.  [pag.  10]  Quos  porro  errores  recenset,  ex  quibus  toti  nostrae  doctrinae  ignominia  confletur?  Quam  improbe  mentiatur  contra  alios,  referre  supersedeo.  Sectae  unius  nomen  a  se  confictum  mihi  imponit.  Energicos  enim  esse  tradit,  qui  virtutem  duntaxat  corporis  Christi  in  coena  esse  volunt,  non  corpus  ipsum.  Philippum  tamen  Melanchthonem  mihi  socium  adiungit,  ac  utriusque  rei  meos  contra  Westphalum  libros  testes  citat:  ubi  reperient  lectores  vero  Christi  corpore,  quod  pro  nobis  crucifixum  est,  animas  nostras  pasci  in  coena:  imo  spiritualem  vitam  ex  corporis  ipsius  substantia  in  nos  transfundi.  Si  arcana  spiritus  virtute  corpus  Christi  in  cibum  nobis  dari  trado,  an  ideo  nego  coenam  communicationem  esse  corporis?  En  quibus  stercoribus  os  suis  patronis  oblinat2)  Prodigiosum  aliud  nomen,  quo  maculam  mihi  inureret,  fabricavit.  Vocat  enim  Bisacramentalem.  Verum  si  hoc  vult  haberi  crimen  quod  duo  tantum  sacramenta  a  Christo  tradita  esse  assero,  probare  in  primis  necesse  fuerat  Christum  septuplicis,  ut  papistae  loquuntur,  numeri  esse  autorem.  Septem  sacramenta  papistae  obtrudunt.  Ego  non  nisi  duo  reperio  quae  Christus  nobis  commendaverit.  Vel  probet  Staphylus  oportet,  tertium  et  reliqua  a  Christo  manasse,  vel  quod  rectum  est  nos  sentire  et  loqui  sinat:  nec  verborum  ampullis  confidat  nos  se  facturum  haereticos,  qui  certa  et  dilucida  filii  Dei  autoritate  nitimur.  In  novis  Manichaeis  numerat  Lutherum,  Melanchthonem,  me,  et  multos  alios  :  deinde,  quo  longior  sit  catalogus,  iterum  repetit  Manichaeos  et  Marcionitas  Calvinianos.  Facile  quidem  est  convicia  haec  quasi  lapides  pedibus  obvios  adversus  innoxia  capita  proiicere,  [pag.  l  l  ]  Causas  tamen  assignat  cur  nos  Manichaeis  comparet  :  sed  quas  partim  a  cinaedo  quodam  partim  a  cynico  scurra  desumpsit.  Quum  ergo  vanissima  figmenta  eructet,  in  me  purgando  laborare  quid  attinet?  Placet  tamen  quae  ab  ipso  tandem  additur  conditio:  nempe  ut  meus  de  Praedestinatione  liber  contro-  1)  In  hoc  nomine  memoria  Calvinum  fefellit  ;  quum  Hymenaeum  dicere  vellet  occurrit  ei  Hermogenes  cuius  in  eadem  epistola  1,  15  fit  mentio.  2)  voila  de  quelle  ordure  c'est  qu'il  perfume  ces  Messieurs  qui  luy  prestent  faveur.  30