8:466  si  in  errore  essent,  quod  absit,  pro  errore  suo  contra  veritatem  leges  darent,  per  quas  iusti  et  probarentur  et  coronarentur,  non  faciendo  quod  illi  iuberent,  quia  Deus  prohiberet:  sicut  iusserat  Nabuchadnesar  ut  aurea  statua  adoraretur,  quod  qui  facere  noluerunt  Deo  prohibenti  placuerunt.  Quando  autem  imperatores  veritatem  tenent,  pro  ipsa  contra  errorem  iubent:  quod  quisquis  contempserit,  iudicium  sibi  accersit:  nam  et  inter  homines  poenas  luit,  et  coram  Deo  sortem  non  habet  qui  hoc  facere  noluit  quod  ipsa  veritas  per  cor  regis  iussit:  sicut  ipse  Nabuchadnesar  postea  miraculo  commotus  atque  mutatus,  pro  veritate  contra  errorem  edictum  proposuit.  Et  sane  quod  in  religione  conspicimus,  idem  et  de  eius  tuendae  zelo  sentiendum  est.  Qui  regulam  ex  puro  Dei  verbo  petunt,  rite  et  ordine  ab  illis  religio  colitur.  Si  quis  sibi  cultum  fabricat  pro  arbitrio,  vel  fortuito  quod  ab  aliis  temere  commentum  est  arripit,  quo  magis  sataget,  eo  se  maiore  reatu  constringet:  quia  nihil  laudis  meretur  superstitio.  Sic  verus  et  legitimus  Dei  cultor,  quatenus  feret  eius  vocatio,  pro  fidei  suae  defensione  pugnabit.  Incredulos  caeca  rabies  abripiet,  [pag.  15]  Ita  in  papistis  stultum  et  scientia  vacuum  zelum  qui  eos  praecipitat  merito  damnamus:  non  minus  scilicet  quam  insanas  superstitiones,  quibus  fascinati  superbe  Dei  verbum  conculcant.  Si  praeposteri  zeli  vitium  ex  ignorantia  manat:  cur  non  laudabilis  erit  ille  zelus  qui  non  fortuito  raptat  Dei  filios,  sed  qui  ad  fidem,  quae  illis  solide  testata  est,  asserendam  inflammat?  Denique  sicut  inter  martyres  et  blasphemos,  in  poenae  similitudine,  culpa  tamen  discrimen  statuit:  sic  pios  et  rectos  zelotas  cognitio,  iniquos  et  perversos  temeritas  et  caecus  impulsus  facit.  Trahetur  ad  supplicium  qui  figmentum  esse  contendet  quidquid  sacris  oraculis  proditum  est.  Quis  tale  monstrum  honorifico  martyris  titulo  ausit  ornare?  Nempe,  ut  recte  idem  Augustinus  definit,1)  martyrem  facit  causa:  non  poena.  Si  non  ille  martyr:  cur  severus  iudex  non  censebitur  qui  de  eo  poenam  sumit,  potius  quam  crudelis  persequutor?  Ergo  hic  tenenda  est  prudentia  et  moderatio,  ne  vel  pro  causa  incognita  tumultuose  efferveant  principes,  vel  immani  saevitia  ad  sanguinem  fundendum  ruant.  Veteri  proverbio  audax  inscitia  vocata  est:  superstitionis  vero  mira  est  tam  audacia  quam  crudelitas.  Itaque  videmus  nihil  hypocritis,  quum  suae  inscitiae  et  erroribus  secure  indormiant,  magis  esse  sanguinarium.  Nec  vero  fieri  aliter  potest,  quin  patris  sui  ingenium  referant  increduli  omnes,  qui  et  homicida  fuit  ab  initio,  et  mendacii  pater  (Ioh.  8,  44).  Veris  autem  Dei  cultoribus  ab  utroque  vitio  cavendum:  ne  vel  1)  Epist.  167  ad  Festum.  Idem  ad  Dulcitium,  Epist.  61.  30