7:466  ariete,  1)  spei  nostrae  firmitudinem  concutere  moliuntur,  quum  nos  ad  formidinem  impellunt,  minime  vero  id  ferendum  est:  nam  quod  exceptionem  addunt  ad  Pauli  sententiam,  tunc  demum  a  Deo  perfectum  iri  in  nobis  opus  salutis,  quod  inchoavit,  si  non  defuerimus  eius  gratiae,  nimis  inscite  faciunt;  quia  non  observant,  hanc  quoque  esse  partem  gratiae,  quod  Deus  nobis  adest,  ne  gratiae  suae  desimus.  Neque  tamen  occasionem  dare  socordiae  debet  haec  docti  ina:  tantum  agnoscant  homines  quid  Deo  acceptum  referre,  et  quid  ab  eo  exspectare  debeant.  Optarem  multa  praeterire,  si  liceret  sine  praevaricationis  nota:  sed  quid  facerem?  Vix  unus  est  versus,  qui  non  aliquo  notabili  errore  conspersus  sit,  et  qui  dissimulationem  non  ferat.  Capite  decimo  quinto,  ubi  de  reparatione  post  lapsum  tractant,  aptam  esse  poenitentiae  definitionem  asserunt,  quod  dicit  Hieronymus,  esse  secundam  tabulam  a  naufragio.  Si  dictum  Hieronymi  vellem  exagitare,  rogarem,  cur  non  et  tertiam  et  quartam  [pag.  212]  appellaverit.  Quotus  enim  quisque  est,  qui  non  nisi  unum  naufragium  tota  vita  faciat?  Imo,  quis  unquam  repertus  est,  quem  non  ex  quotidianis  naufragiis  eripuerit  Dei  gratia?  Sed  cum  Hieronymo  nihil  est  mihi  negotii  in  praesentia.  Tridentini  patres  non  de  poenitentia  tractant,  sed  de  poenitentiae  sacramento,  quod  a  Christo  institutum  fingunt.  Ubinam?  Quia  dixit:  Accipite  spiritum  sanctum  (Ioann.  20,  22  sq.).  Quorum  remiseritis  peccata  remissa  erunt.  Primum,  si  Christus  hac  autoritate  donavit  apostolos,  estne  propterea  sacramenti  institutio?  Ubi  symbolum?  ubi  forma?2)  Deinde,  quis  ignorat,  munus  illic  fuisse  apostolis  iniunctum,  quo  erga  extraneos  fungerentur?  O  patrum  aures  bene  patulas,  quas  tam  insulsae  deliri  monachi  ineptiae  praeterfluere  nullo  obstaculo  potuerint.  Christus  testimonium,  quod  de  peccatorum  remissione  apostoli  reddituri  erant  mundo,  confirmat.  Ea  porro  legatio  est,  quae  per  evangelium  defertur  :  et  quidem  in  ecclesiam  nondum  cooptatis.  Blatero  quispiam  ex  monachis  qui  concilium  regunt,  quum  nunquam  locum  forte  inspexisset,  certe  nunquam  expendisset,  commentum  suum  recitavit,  praescribi  illic  formulam,  qua  in  statum  gratiae  restituerentur,  qui  post  baptismum  lapsi  erant.  Patres,  ad  sesquipedem  usque  auriti,  annuerunt.  Locus  tamen  ipse  clamitat,  [pag.  213]  impudenter  se  alio  fuisse  detortum,  quam  oportuit.  Inde  inferunt,  christiani  hominis  poenitentiam  post  lapsum  longe  aliam  esse  a  baptismali.  Quasi  unam  tantum  speciem  attingat  Christus:  ac  non  potius  idem,  quod  Lucae  24  (v.  47)  1)  quand  ilz  en  font  une  bombarde  pour  ruiner  etc.  2)  Add.  lesquelles  choses  sont  requises  en  tout  sacrement.  30