55:466  13.  recipientes  mercedem  iniustitiae:  pro  voluptate  ducentes  in  diem  frui  delitiis,  labes  et  maculae  delitiantes  in  erroribus  suis,  conviventes  vobiscum:  14.  oculos  habentes  plenos  adulterae,  et  inquietos  ad  peccandum,  inescantes  animas  instabiles,  cor  habentes  exercitatum  cupiditatibus,  exsecrabiles  filii.  15.  Qui  relicta  recta  via  aberraverunt,  sequuti  viam  Balaam  filii  Bozor,  qui  mercedem  iniustitiae  dilexit:  16.  sed  redargutus  fuit  de  sua  iniquitate:  animal  subiugale  mutum,  humana  voce  loquens,  prohibuit  prophetae  dementiam.  12.  Isti  autem,  ete.  Prosequitur  quod  dicere  coeperat  de  impiis  et  scelestis  illis  corruptoribus.  Primum  autem  mores  dissolutos  et  obscoenam  totius  vitae  nequitiam  taxat:  deinde  sio  audaces  et  protervos  esse  dicit,  ut  scurrili  sua  garrulitate  se  insinuent  in  multorum  gratiam.  Primum  comparat  eos  brutis  animalibus,  quae  in  hoc  videntur  nata  ut  se  in  plagas  induant,  et  ad  suum  interitum  proprio  impetu  ferantur:  ac  si  diceret,  nullis  illecebris  inductos,  sponte  properare  ut  se  in  Satanae  et  mortis  laqueos  proiiciant.  Pro  eo  quod  vertimus  naturaliter  genita,  Petrus  ad  verbum  habet  naturalia  genita:  sed  ad  sensum  parum  refert,  sive  alterum  ex  his  duobus  ab  alio  quopiam  suppositum  fuerit,  sive  utrunque  ponendo,  magis  exprimere  voluerit  quod  dicebat.  Quod  addit,  maledicentes  in  quibus  nihil  intelligunt,  pertinet  ad  superbiam  cuius  proxime  meminit.  Dicit  igitur,  ideo  petulanter  ab  aliis  contemni  omnem  excellentiam,  quia  prorsus  obstupuerint,  ut  nihil  a  pecudibus  differant.  Caeterum  ubi  posui,  in  perniciem,  deinde  in  corruptione,  utroque  loco  est  nomen  cpfropac,  sed  varie  acceptum.  Nam  quum  perituros  dicit  in  sua  corruptione,  docet  exitiales  illis  fore  suas  corruptelas.  13,  Pro  voluptate  ducentes.  Ac  si  diceret,  felicitatem  statuunt  in  praesentibus  delitiis.  Scimus  in  hoc  praecellere  brutis  animalibus  homines,  quod  animum  longius  circumagunt.  Ergo  istud  indignum  est  homine,  occupari  in  praesenti  sensu.  Quod  admonet  extricandas  esse  mentes  a  carnis  delitiis,  nisi  velimus  in  pecudum  ordinem  redigi.  Quod  sequitur,  hunc  habet  sensum,  Isti  vos  ac  coetum  vestrum  foedis  maculis  adspergunt:  nam  dum  epulantur  vobiscum,  simul  luxuriantur  in  suis  erroribus,  amores  meretricios  et  perditam  incontinentiam  oculis  gestuque  exprimunt.  Erasmus  sic  reddidit,  Convivantes  in  erroribus  suis,  insultant  vobis.  Sed  illud  nimis  coactum  est.  Posset  non  inepte  ita  exponi,  vobiscum  epulantes,  vos  petulanter  ludibrio  habent  in  suis  erroribus.  Ego  tamen  quod  maxime  probabile  videbatur,  reddidi.  Plenos  adulterae  oculos  vocat  libidinosos,  et  qui  intempe-  30