47:466  Payens  qui  estoyent  comme  eslongnez  de  son  Eglise.  Or  quand  nous  aurons  regarde  par  tout,  nous  trouverons  que  ce  mot  d'Evangile  n'est  pris  en  autre  signification.  Et  voyla  pourquoy  on  a  intitule  de  ce  nom  les  quatre  histoires  qui  sont  escrites  de  nostre  Seigneur  Iesus  Christ,  comme  il  est  venu  au  monde  et  y  a  converse:  comme  il  est  mort,  ressuscite,  et  monte  aux  cieux:  on  a,  di-ie,  intitule  cela  de  ce  nom  d'Evangile.  Et  pourquoy?  d'autant  que  la  substance  de  l'Evangile  est  comprinse  en  la  personne  du  Fils  de  Dieu,  comme  i'ay  desia  dit:  IICS  Peres  anciens  ont  bien  eu  les  promesses  de  salut,  ils  ont  bien  este  asseurez  que  Dieu  vouloit  estre  leur  Pere:  mais  ils  n'ont  point  eu  le  gage  de  l'amour  de  Dieu  et  de  leur  adoption.  Car  quand  Iesus  Christ  est  venu  au  monde,  alors  Dieu  nous  a  signe  et  scelle  son  amour  paternelle:  nous  avons  eu  plein  tesmoignage  de  vie,  et  mesmes  nous  en  avons  la  substance  (comme  i'ay  desia  dit)  en  Iesus  Christ.  Et  voyla  pourquoy  S.  Paul  dit  que  toutes  les  promesses  de  Dieu  sont  en  luy,  Ouy  et  Amen:  ascavoir  que  d'autant  que  Dieu  a  lors  ratifie  tout  ce  qu'il  avoit  dit  auparavant,  et  qu'il  avoit  promis  aux  hommes.  Ainsi  donc  ce  n'est  point  sans  cause  que  ces  quatre  histoires-la,  ou  il  nous  est  declare  comme  le  Fils  de  Dieu  a  este  envoye,  qu'il  a  prins  chair  humaine,  qu'il  a  converse  yci-bas  avec  les  hommes,  ont  este  ainsi  nommees.  On  a  donc  comprins  tout  cela  sous  le  nom  d'Evangile,  a  cause  qu'il  nous  est  la  declare  comme  Dieu  a  parfait  et  accompli  tout  ce  qui  estoit  requis  pour  le  salut  des  hommes,  et  que  nous  avons  eu  l'accomplissement  de  tout  en  la  personne  de  son  Fils.  Sainct  Paul  parle  bien  de  son  Evangile,  mais  comment?  Ce  n'est  point  qu'il  eust  escrit  une  histoire  d'Evangile,  mais  pour  ce  que  sa  doctrine  est  conforme  a  tout  ce  qui  est  yci  contenu.  Ainsi  suyvant  ce  que  i'ay  desia  dit,  quand  l'Evangile  nous  est  annonce,  c'est  une  manifestation  de  Iesus  Christ,  afin  qu'en  luy  nous  cognoissions  que  toutes  choses  sont  parfaites,  et  que  nous  avons  la  verite  de  ce  30