35:466  lons  estre  suiets  a  Dieu  il  faudra  que  nous  soyons  captivez  par  Satan:  et  que  celuy-la  chevira  bien  de  nous:  et  que  nous  n'aurons  point  force  pour  luy  resister.  Comme  pour  exemple,  quand  il  nous  est  parle  de  la  creation  du  monde,  Moyse  ne  traitte  point  des  Anges:  car  il  a  voulu  estre  docteur  des  petits  et  des  idiots:  et  ainsi  il  nous  propose  seulement  ce  que  nous  voyons  a  nos  yeux:  mais  tant  y  a  que  ceste  clarte  presente,  et  laquelle  s'appercoit,  nous  doit  bien  conduire  plus  loin,  c'est  que  par  foy  nous  cognoissions  la  clarte  du  royaume  des  cieux,  combien  qu'elle  nous  soit  auiourd'huy  cachee:  et  quand  nous  voyons  que  la  maieste  de  Dieu  reluist  par  tout,  que  nous  entendions  qu'en  plus  grande  plenitude  et  perfection  il  y  a  une  clarte  aux  Anges,  et  en  tout  ce  qui  concerne  la  vie  celeste.  Voila  donc  une  deduction  qui  est  bonne,  quand  nous  allons  ainsi  par  degrez  de  plus  petit  au  plus  grand,  et  du  plus  bas  au  plus  haut.  Mais  quoy  qu'il  en  soit,  si  nous  faut-il  retenir  ceste  simplicite  du  texte:  car  de  se  iouer  de  l'Escriture  saincte  la  transformant  en  allegorie,  c'est  une  chose  mauvaise:  et  les  allegories  ne  doivent  estre  tirees  sinon  du  sens  naturel:  comme  nous  voyons  que  sainct  Paul  en  fait  en  l'Espistre  aux  Galatiens  et  en  d'autres  passages.  Revenons  donc  a  ce  propos  qui  a  este  entame.  Dieu  fait  ici  ses  triomphes  et  par  mer  et  par  terre,  afin  que  les  hommes  cognoissent,  qu'ils  seront  tousiours  confus  en  leur  orgueil  s'adressans  a  luy.O  r  apres  qu'il  a  parle  de  beaucoup  d'especes  de  bestes,  il  nous  met  ici  au  devant  les  elephans,  qui  sont  si  terribles,  qu'il  faut  que  nous  en  soyons  estonnez:  car  la  en  ceste  masse  de  leurs  corps  nous  contemplons  des  miracles  tant  et  plus.  Nous  voyons  d'un  coste  comme  il  nous  surmontent:  nous  voyons  aussi  que  Dieu  ne  leur  a  pas  donne  ce  qu'il  luy  a  pleu  de  nous  donner,  voire  par  sa  bonte  gratuite.  Et  ainsi  nous  apprenons,  qu'en  nous  eslevant  nous  ne  gaignerons  rien:  car  nous  serons  tousiours  surmontez  par  les  bestes  brutes,  quoy  qu'il  en  soit:  et  cependant  nostre  ingratitude  se  declare  d'autant  que  nous  rendons  un  povre  salaire  et  bien  maigre  a  Dieu  des  graces  qu'il  nous  a  eslargies.  Car  a  quoy  tient-il,  que  nous  ne  sommes  bestes  brutes?  Comme  il  fust  dit  hier,  Velephant  n'a-il  pas  este  cree  avec  nous?  Sommes-nous  tirez  d'une  matiere  plus  precieuse?  Y  a-il  quelque  qualite  en  nous,  que  nous  devions  estre  plus  excellens?  Nenny:  il  n'y  a  que  Dieu  qui  nous  a  discernez.  Or  nous  voyons  les  elephans  qui  ont  une  force  si  terrible,  qui  neantmoins  n'ont  point  la  hardiesse  de  se  ietter  contre  nous  :  ils  s'en  vont  cacher  aux  lieux  humides,  et  ne  peuvent  avoir  retraitte  qui  leur  soit  commode.  Puis  qu'ainsi  est,  nous  voyons  d'un  coste  combien  nous  sommes  plus  tenus  a  Dieu:  et  cependant  nous  30