32:466  mauvaise,  comme  de  penser  si  nostre  Dieu  nous  pouvoit  ayder  au  besoing,  quelque  chose  que  les  meschans  brassent.  Il  faut  que  cela  soit  imprime  en  nostre  memoire,  nostre  Dieu  nous  aydera.  La  raison,  rien  ne  le  peut  empescher.  Et  nous  a  declaire  son  bon  plaisir  qu'il  ne  nous  faudra  point  au  besoing.  Concluons  donc  que  rien  ne  nous  adviendra  outre  son  vouloir:  Le  Prophete  ne  parle  point  de  la  volunte  secrette  de  Dieu,  mais  de  celle  qu'il  nous  a  revelee  en  l'escriture,  qui  est  contenue  en  ses  promesses  qui  sont  patentes.  Prenons  et  retenons  ceste  volunte.  Puis  pensons  a  la  puissance  de  Dieu,  et  mettons  ceste  puissance  en  effect.  Dieu  fait  tout  ce  qu'il  veut:  consolons  nous  donc  en  noz  adversitez.  Et  si  Dieu  ne  nous  assiste  du  premier  coup,  attendons  le,  nous  ne  serons  point  frustrez.  Nostre  Dieu  viendra,  et  quand?  Il  cognoit  quand  il  sera  temps.  Voila  la  somme  de  ce  verset,  et  comment  il  le  nous  faut  appliquer  a  nostre  usage.  En  cela  humilions  nous  devant  sa  maieste,  recognoissans  noz  fautes,  et  que  nous  ayons  un  tel  desplaisir  qu'il  faut  de  l'avoir  courrouce,  de  ce  que  nous  avons  mal  vescu,  et  que  nous  conioignons  tellement  sa  bonte  avec  sa  gloire,  que  nous  preferions  tousiours  le  principal,  c'est  que  son  nom  soit  sanctifie,  puis  qu'il  ayt  esgard  a  sa  povre  Eglise,  et  qu'il  nous  fortifie  contre  tous  ceux  qui  pour  l'amour  de  son  nom  taschent  a  nous  perdre  et  destruire.  Calvini  opera.  Vol.  XXXII.  30