9:465  465  CHRISTI  IN  COENA.  466  ginta  annis  exorti  sunt,  et  subinde  pullularunt  alii  post  alios:  nempe,  quia  videbat  Satan,  fulgente  Christi  evangelio  evanescere  praestigias  quibus  mundum  diu  fascinaverat,  suos  omnes  impetus  contulit  machinasque  omnes  exseruit  totum  denique  Acheronta,  vel  ad  evertendam  Christi  doctrinam,  vel  ad  frangendum  eius  cursum.  Atque  hoc  modo  non  parum  comprobata  fuit  Dei  veritas,  quod  tam  violenter  impetita  fuerit  Satanae  mendaciis.  Quum  ergo  tot  impiorum  dogmatum  insultus  certitudinem  concilient  nostrae  doctrinae,  quid  in  ea  foedanda  sputis  suis  l)  proficiet  Staphylus,  nisi  forte  apud  homines  volaticos,  qui  sibi  eripi  ultro  cupiunt  omne  boni  et  mali  discrimen?  Quaero  tamen  an  tot  errorum,  de  quibus  ad  nos  gravandos  magnos  sonitus  facit,  nulla  ante  natum  Lutherum  facta  fuerit  mentio.  Atqui  multos  ipse  commemorat,  quibus  statim  a  primordio  turbata  fuit  ecclesia.  Si  obiectum  fuisset  apostolis  progenitas  fuisse  ab  illis2)  omnes  sectas  quae  repente  tunc  ebullierant,  an  nulla  illis  fuisset  defensio?  Quaecunque  vero  illis  concessa  fuerit  a  Staphylo,  nobis  certe  etiam  communis  erit.  Hoc  autem  facilior  nobis  erit  ratio  ad  diluendum  convicium,  quod  deliria,  quibus  olim  evangelii  lucem  obtenebrare  conatus  est  Satan,  magna  ex  parte  hodie  silent.  Certe  vix  decima  pars  renovata  fuit.  Quando  se  venalem  prostituit  Staphylus,  si  quis  eum  pluris  conducat  quam  papa,  an  non  pro  illius  libidine  Christo  exprobraret,  quoties  in  medium  prodit  eius  evangelium,  innumeros  secum  errores  trahere,  vel  ex  se  gignere?  [pag.  9]  nunquam  tamen  magis  turbatum  fuisse  orbem  perversis  et  impiis  dogmatibus  quam  primo  eius  adventu?  Atqui  Christus  ipse,  aeterna  Dei  veritas,  satis  absque  nostro  patrocinio  se  absolvet.  Interea  haec  distinctio  adversus  putidam  criminationem  abunde  sufficiet,  perperam  adscribi  Christi  servis  quidquid  fermenti  purae  illorum  doctrinae  per  suos  ministros  aspergit  Satan:  ideoque  si  de  hac  causa  recte  iudicare  placet,  semper  videndum  esse  unde  error  trahat  originem.  Ex  quo  coepit  Lutherus  movere  papatus  camarinam  multa  hominum  et  opinionum  portenta  repente  exstiterunt.  An  Munzeriani,s)  Anabaptistae,  Adamitae,  Stebleri,  Sabbatharii,  Clancularii,  quidquam  habuerunt  Luthero  affine,  ut  censeri  deboant  eius  discipuli?  An  suo  unquam  suffragio  eos  levavit?  An  subscripsit  absurdissimis  commentis?  Imo  quanta  potuit  vehementia  illis  se  opposuit,  nc  longius  serperet  contagio.  Prudenter  etiam  statim  deprehendit  quam  noxiae  essent  pestes.  Et  adhuc  grunniet  hic  porcus  errores  qui  nostro  labore  profligati  sunt,  quum  secure  quiesceret  totus  papalis  clerus,  a  nobis  profectos  esse?  Quod  si  obduruit  in  sua  impudentia,  ne  1)  comme  s'il  luy  rottoit  en  face.  2)  Beza  et  Am  st.  male:  aliis.  3)  ceux  de  Munster.  Calvini  opera.  Vol.  IX.