8:465  465  MICHAELIS  SERVETI.  466  sionem  nullo  iure  nec  ratione  munitam  gladio  tueri.*)  Verum  quum  sanctos  Dei  prophetas  et  apostolos  olim  similis  premeret  iniquitas,  non  negarunt  quin  Dei  cultum  et  coelestem  eius  doctrinam  fas  esset  legitima  potestate  defendi,  ut  de  impiis  eius  eversoribus  [pag.  1  3]  poena  divinitus  praescripta  sumeretur.  Severum  certe,  ut  postea  videbimus,  iudicium  Deus  in  eos  constituerat  qui  populum  tentassent  a  vera  religione  abducere.  A  sceleratis  tyrannis  Ieremias  ad  capitale  supplicium  tractus,  et  in  foveam  proiectus,  ad  hoc  aeylum  minime  confugit,  cultum  Dei  non  esse  gladio  vindicandum:  sed  diversa  exceptione  utitur,  poenam  daturos  veritatis  hostes,  ubi  innoxium  sanguinem  fuderint.  Quid  apostoli?  an  expostulant  cum  adversariis  quod  religionem  ex  legis  mandato  poenis  defendant?  Imo  sola  causae  bonitate  freti  nullam  severitatem  refugiunt,  si  quid  peccasse  deprehensi  fuerint.  Hilarium  quidem  longius  provehi  fateor.  Queritur  enim  ecclesiam  carceribus  et  exsiliis  terrere,  atque  ita  cogere  ad  credendum,  quae  exsiliis  et  carceribus  est  credita:  nimis  propensam  esse  ad  dignitatem  faventium,  quae  persequentium  terrore  consecrata  est:  fugare  sacerdotes,  quae  sacerdotibus  fugatis  est  propagata:  gloriari  mundi  favore,  quae  Christi  esse  non  potuit,  nisi  eam  mundus  odisset.  Sed  illi  Auxentii2)  et  similium  ferocitas  stomachum  movit,  ut  praesentem  magis  indignitatem  carperet  (sicuti  plausibile  illi  dabatur  argumentum)  quam  perpetuam  tuendae  fidei  rationem  expenderet.3)  Nam  quod  inopem  suae  virtutis  Christum  argui  causatur,  dum  fidem  terrena  suffragia  commendant:  non  debet  in  eam  partem  trahi,  quasi  evangelii  certitudini  quidquam  deroget  credentium  autoritas,  vel  religio  vilescat,  regum  patrocinio  adiuta:  sed  in  eos  tantum  querimonia  dirigitur,  qui  Dei  verbo  destituti,  manu  armata  perversos  errores  sustinebant.  Idem  hodie  deflere  licet,  statum  papalis  ecclesiae  nonnisi  [pag.  14]  vi  et  caedibus  suffultum  esse,  omisso  pastorum  officio,  tyrannicis  solum  edictis  fulminare,  qui  se  praesulum  titulo  venditant:  quum  vera  et  genuina  Christi  ecclesia  ex  persequutionibus  orta  sub  iisdem  floruerit.  Verum  non  obstant  persequutorum  gladii,  quominus  suis  sceptris  pii  magistratus  ecclesiam,  quae  iniuste  afflicta  olim  fuit,  tueantur:  nec  martyrum  cruces  impediunt  quominus  iusto  legum  praesidio  ad  Deum  tranquille  colendum  fideles  iuventur.  Prudenter  enim  Augustinus:  Imperatores,  inquit,4)  1)  Add.  Mais  quoy?  Si  les  Papistes  sont  ainsi  excessifs  en  tyrannie  ce  n'est  pas  a  dire  pourtant  que  toute  severite  soit  a  condamner.  2)  Add.  Evesque  de  Milan.  3)  Add.  Ainsi  il  s'attache  plus  aux  personnes  et  a  leurs  excez  qu'il  ne  regarde  a  ce  qu'on  doit  suivre  et  ce  qui  est  bon  de  soy,  quand  il  n'y  auroit  nul  abus.  4)  Epist.  166  ad  Donatistas.  Calvtni  opera.  Vol  VIII.