7:465  465  CUM  ANTIDOTO.  466  commemorat,  neque  vita,  neque  morte,  neque  praesentibus,  neque  futuris  dissolutum  iri  caritatem,  qua  ipsum  complectitur  Deus  in  Christo  (Rom.  8,  38).  Hoc  non  diceret,  nisi  ultimum  vitae  finem  superaret  spei  christianae  certitudo.  Et  quid  promissiones  sonant?  Non  modo  pronunciat  spiritus,  iustum  fide  sua  vivere,  sed  victurum  esse  (Abac.  2,  4).  Huc  ergo  spes  se  extendat  oportet.  Quod  etiam  demonstrat  Paulus,  quum  hoc  illi  tribuit,  quod  per  patientiam  exspectet,  quae  adhuc  sunt  abscondita  (Rom.  8,  25).  Atqui  spem  non  tollunt,  sed  absolutam  certitudinem.  Quid?  an  dubiae  opinionis  vel  coniecturae  vox  est,  quum  tam  intrepide  asseverat  Paulus,  repositam  sibi  esse  coronam  iustitiae  (2  Tim.  4,  8)?  An  aliquid  est  conditionale  in  istis  verbis,  dum  nobis  datam  adoptionis  nostrae  arram  praedicat,  ut  Deum  audeamus  alta  voce  patrem  clamare?  Confugiunt  ad  illud,  quod  iam  ipsis  excussi,  [pag.  210]  frivolum  cavillum:  id  ex  speciali  revelatione  Paulum  habuisse.  At  nihil  sibi  tam  speciale  arrogat,  quod  non  cunctis  fidelibus  secum  faciat  commune:  quum  tam  audacter  morti  simul  ac  vitae,  praesentibus  ac  futuris  insultat,  suo  pariter  et  omnium  nomine.  Nec  sibi  uni  privatim  vindicat  Ioannes  scientiam  illam,  qua  gloriatur,  quum  dicit:  Scimus,  nos  similes  futuros  Deo,  quia  videbimus  eum  sicuti  est  (1  Ioann.  3,  2).  Atque  idem  Paulus,  quum  dicit:  Grloriamur  super  spe  gloriae  Dei  (Rom.  5,  2).  Item:  Scimus,  quum  terrenum  hoc  tabernaculum  ceciderit,  nobis  domicilium  in  coelo  paratum  esse  (2  Cor.  5,  1).  Fucum  faciunt  ex  eo  quod  habetur  decimo  prioris  ad  Corinthios  capite:1)  Qui  stat,  videat  ne  cadat.  Cuius  duplex  est  solutio:  nam  neque  aliud  quam  carnis  arrogantiam  illic  cohibet  Paulus,  quae  cum  spei  certitudine  nihil  commune  habet,  neque  solos  compellat  fideles:  sed  quicunque  ex  gentibus  Christo  nomen  dederant:  inter  quos  permulti  esse  poterant  inani  confidentia  turgidi.  Nam  quae  illic  ponitur  Iudaeorum  cum  gentibus  comparatio,  non  ad  solos  electos  restringitur  :  sed  omnes  comprehendit,  qui  titulo  tenus  ad  ecclesiam  pertinebant.  Ego  tamen  unica  illa  responsione  contentus  ero,  quia  abunde  sufficit:  non  praecipi  nobis  timorem,  qui  vel  tantillum  minuat  de  fidei  aut  spei  certitudine:  sed  tantum  qui  nos  in  Dei  [pag.  211]  timore  sollicitos  contineat.  At  nondum  in  gloria  renati  sunt,  sed  duntaxat  in  spem  gloriae,  et  multum  adhuc  pugnae  restat:  nempe,  si  inde  colligerent,  excutiendum  igitur  esse  torporem,  nec  securitati  indulgendum,  nemo  sanus  non  illis  subscriberet:  sed  quum,  hoc  quasi  1)  Ste  Beza  et  Amstelodamensis  qui  respiciunt  ad  1  Cor.  10,  12.  Princeps  et  Gallasius,  vel  potius  ipse  autor  memoria  lapsus,  undecimum  ad  Eomanos  citaverant.  Et  sic  quoque  versio  gallica.  Calvini  opera.  Vol,  VII.