55:465  465  CAPUT  II.  466  tremere,  quum  adversus  glorias  probrose  insurgunt.  Est  enim  hoc  prodigiosae  arrogantiae,  pro  nihilo  ducere  gloriam  quae  in  ordinibus  a  Deo  positis  refulget.  Porro  non  dubium  est  quin  hoc  nomine  imperia  et  magistratus  designet  Tametsi  enim  nullum  est  legitimum  vitae  genus  quod  non  sit  laude  dignum:  scimus  tamen  prae  aliis  excellere  magistratuum  functionem  :  quia  Dei  vices  gerunt  in  gubernando  humano  genere.  Vere  igitur  gloriosa  est  haec  potestas  in  qua  Deus  ipse  eminet.  Tenemus  nunc  quid  hoc  secundo  membro  velit  apostolus:  nempe  istos  de  quibus  loquitur,  fuisse  homines  phreneticos,  turbarumque  et  confusionis  appetentes.  Quia  nemo  potest  avapxtav  mundo  inducere,  quin  axccCcav  inducat:  isti  autem  intrepide  probra  evomebant  in  magistratus,  ut  omnem  publici  iuris  reverentiam  tollerent.  Hoc  autem  erat  Deum  palam  suis  blasphemiis  impetere.  Multi  hodie  quoque  eiusmodi  turbulenti  homines  exstiterunt,  qui  potestatem  gladii  profanam  et  illicitam  esse  iactantes,  omnem  politiam  furiose  evertere  satagerent.  Tales  furias  excitat  Satan,  quae  evangelii  cursum  disturbent.  Sed  praeclare  egit  nobiscum  Dominus,  qui  non  modo  ab  hoc  exitiali  veneno  cavendum  esse  admonuit:  sed  veteri  etiam  exemplo  nos  munivit  adversus  scandalum.  Itaque  nimis  improbe  faciunt  papistae,  quum  seditiosos  homines  nostra  doctrina  armari  criminantur.  Quasi  vero  non  idem  olim  apostolis  exprobrari  potuerit,  qui  tamen  ab  hac  culpa  longissime  aberant.  11.  Quum  angeli.  Praecipitem  eorum  arrogantiam  inde  ostendit,  quod  plus  sibi  licentiae  sumere  audent  quam  angeli  ipsi.  Sed  mirum  est  cur  angelos  contumeliosum  de  magistratibus  iudicium  ferre  neget.  Quorsum  enim  sancto  ordini  adversi  essent,  cuius  au  torem  sciunt  esse  Deum?  Quorsum  in  potestates  insurgerent,  quas  norunt  in  eodem  secum  esse  ministerio?  Haec  ratio  quosdam  movit  ut  de  diabolis  hoc  putarent  dictum:  sed  hoc  modo  absurditatem  minime  effugiunt.  Quomodo  enim  hominibus  parcendo,  tam  sobrius  esset  Satan,  qui  omnis  in  Deum  blasphemiae  autor  est?  Deinde  eorum  opinio  Iudae  verbis  refellitur.  De  sanctis  porro  angelis  apposite  sic  loquutus  est,  si  reputamus  temporis  circumstantiam.  Erant  enim  tunc  omnes  magistratus  fere  impii  et  sanguinarii  evangelii  hostes.  Quare  fieri  non  poterat  quin  angelis  ecclesiae  custodibus  exosi  essent.  Sic  tamen  ab  ipsis  damnari  dicit  homines  odio  et  exsecratione  dignos,  ut  reverentiam  deferant  potestati  divinitus  ordinatae.  Haec,  inquit,  in  angelis  quum  sit  moderatio,  isti  intrepide  in  dissolutas  et  effraenes  blasphemias  ruunt.  12.  Isti  autem  tanquam  bruta  animalia,  naturaliter  genita  in  capturam  et  perniciem,  in  quibus  nihil  intelligunt  maledicentes,  in  sua  corruptione  peribunt  :  Calvini  opera.  Vol.  LV.