47:465  465  CONGREGATION  OU  PROPOSITION  FAITE  PAR  IEHAN  CALVIN  SUR  LE  COMMENCEMENT  DE  L'EVANGILE  SELON  S.  IEHAN,  EN  LAQUELLE  LA  DIVINITE  DU  SEIGNEUR  IESUS  CHRIST  EST  EXCELLEMENT  PROUVEE.  S.  [EHAN,  CHAP.  L  1.  Au  commencement  estoit  la  Parolle  j  et  la  Parolle  estoit  avec  Dieu,  et  icelle  Parolle  estoit  Dieu.  2.  Elle  estoit  au  commencement  avec  Dieu.  3.  Toutes  choses  ont  este  faites  par  elle:  et  sans  elle  rien  n9a  este  fait  de  ce  qui  est  fait.  4.  En  elle  estoit  la  vie,  et  la  vie  estoit  la  lumiere  des  hommes.  5.  Et  la  lumiere  luit  en  tenebres,  et  les  tenebres  ne  Vont  point  comprinse.  Ce  mot  d'Evangile  signifie  la  declaration  que  Dieu  nous  a  faite  de  son  amour  eo  nostre  Seigneur  Iesus  Christ  quand  il  l'a  envoye  au  monde.  Ce  qu'il  nous  faut  bien  noter:  car  c'est  beaucoup  de  cognoistre  l'usage  de  l'Escriture  saincte  quant  aux  mots.  Il  est  vray  qu'il  ne  nous  faut  point  arrester  aux  mots  simplement,  mais  tant  y  a  que  nous  ne  pouvons  pas  comprendre  quelle  est  la  doctrine  de  Dieu,  si  non  que  nous  scachions  la  procedure  dont  il  use,  et  quel  est  son  style  et  son  langage:  et  mesmes  nous  avons  a  noter  ce  mot,  d'autant  plus  que  c'est  une  opinion  fort  receue,  de  distinguer  l'Escriture  saincte  en  la  loy  et  l'Evangile:  et  ceux  qui  en  parlent  ainsi,  entendent  que  toutes  les  promesses  qui  sont  contenues  au  vieil  Testament,  se  doyvent  rapporter  a  ce  mot  d'Evangile.  Il  est  vray  que  leur  sens  est  bon,  mais  tant  y  a  que  l'Escriture  saincte  n'use  point  de  ce  langage:  et  nous  devons  estre  sobres  en  cela,  et  porter  une  telle  reverance  a  l'Esprit  de  Dieu,  que  de  retenir  la  maniere  de  parler  dont  il  use  pour  nous  enseigner.  Voyla  donc  quant  a  ce  mot  d'Evangile,  qui  est  une  publication  que  Dieu  nous  a  faite  a  la  venue  de  nostre  Seigneur  Iesus  Christ  son  Fils,  se  declarant  Pere  a  tout  le  monde  :  comme  aussi  sainct  Paul  en  parle  aux  Ephesiens,  quand  il  dit  que  Iesus  Christ  est  venu  pour  evangelizer  a  ceux  qui  estoyent  prochains,  et  a  ceux  qui  estoyent  eslongnez  de  Dieu:  prochains,  ascavoir  les  Iuifs,  qui  desia  estoyent  alliez  avec  Dieu,  et  lointains,  ascavoir  les  Calvini  opera.  Vol.  XLVII.