32:465  465  SERMON  SUR  LE  PSEAUME  CXV.  466  Et  combien  que  nous  sommes  indignes  de  sentir  son  ayde,  toutesfois  pour  l'amour  de  son  nom  il  nous  tend  la  main,  il  nous  appelle  a  soy.  Et  iasoit  qu'il  permet  cela  aux  iniques  qu'ilz  viennent  ainsi  s'eslever  contre  nous,  c'est  pour  nous  advertir  d'avoir  nostre  refuge  a  luy,  de  nous  retirer  de  noz  vices.  Puis  donc  qu'il  nous  veut  reveiller  pour  l'invoquer  a  nostre  ayde,  et  qu'il  nous  met  les  parolles  en  la  bouche,  que  nous  faut  il  plus?  O  nous  ne  sommes  pas  dignes.  Ii  est  vray,  mais  voicy  les  parolles  que  ie  vous  donne.  Ie  suis  prest  de  vous  recevoir,  si  vous  avez  un  zele  a,  la  gloire  de  mon  nom.  Alleguez  moy  seulement  mon  nom,  ie  suis  prest  a  vous  ayder.  Les  Papistes  portent  bien  un  signe  du  nom  de  Dieu,  asavoir  de  Baptesme.  Mais  ilz  ont  renonce  a  l'alliance  du  Seigneur.  Ilz  se  sont  destournez  apres  les  idoles.  Nous  voyons  leur  rage,  le  nom  de  Dieu  estre  prophane  entre  eux.  Pourtant  nous  devons  invoquer  nostre  Dieu  contre  eux,  qu'il  s'arme  contre  eux  pour  les  confondre  en  leur  malice.  Et  d'autant  que  nous  voyons  sa  bonte  grande  envers  nous,  requerons  le  de  tant  meilleur  courage.  Nous  sommes  icy  comme  povres  creatures,  il  luy  plait  de  nous  consoler,  nous  enseignant  priveement  ce  que  nos  devons  luy  alleguer  pour  avoir  son  ayde.  Apres  la  priere,  qu'il  nous  souvienne  comment  ceste  sentence  nous  est  donnee  que  nostre  Dieu  est  au  ciel,  a  fin  que  ce  nous  soit  comme  un  bouclier  pour  repousser  toute  cogitation