25:465  465  COMMENTARIUS  IN  IOSUE  CAP.  VI.  466  CAPUT  VI.  1.  Iericho  autem  erat  clausa  et  claudebatur  propter  filios  Israel,  non  poterat  quisquam  egredi  vel  ingredi.  2.  Dixitque  Iehova  ad  Iosuam:  Ecce  tradidi  in  manum  tuam  Iericho,  et  regem  eius,  et  virtute  praestantes.  3.  Circuibitis  itaque  urbem,  omnes  viri  bellatores  circumdando  eam  semel:  sic  facies  sex  diebus.  4.  Porro  septem  sacerdotes  ferent  septem  cornua  arietina  ante  arcam:  die  autem  septima  circuibitis  urbem  septem  vicibus,  et  sacerdotes  ipsi  clangent  tubis.  5.  Quum  vero  protraxerint  sonitum  cornu  arietino:  ubi  primum  audieritis  vocem  tubae,  vociferabitur  universus  populus  vociferatione  magna,  et  concidet  murus  urbis  sub  se,  populus  vero  ascendet  quisque  e  regione  sua.  6.  Vocavit  ergo  Iosue  filius  Nun  sacerdotes,  et  dixit  eis:  Tollite  arcam  foederis^  et  septem  sacerdotes  accipient  septem  tubas  arietinas  coram  arca  Iehovae.  7.  Dixit  quoque  ad  populum:  Transite  et  circuite  urbem,  et  armatus  quisque  praecedat  arcam  Iehovae.  8.  Et  fuit  postquam  loquutus  est  Iosue  ad  populum,  tulerunt  septem  sacerdotes  septem  tubas  arietinas,  et  transeuntes  ante  arcam  Iehovae  clanxerunt  tubis:  arca  autem  foederis  Iehovae  sequebatur  ipsos.  9.  Et  armatus  quisque  praecedebat  sacerdotes  clangentes  tubis:  et  qui  cogebat  agmen  sequebatur  arcam  eundo,  clangendo  tubis.  10.  Populo  autem  praeceperat  Iosue,  dicendo:  Non  vociferabimini,  nec  facietis  audire  vocem  vestram,  neque  egredietur  .ex  ore  vestro  verbum,  usque  ad  diem  quo  dixero  vobis,  vociferamini  :  tunc  vociferabimini.  11.  Circuivit  itaque  arca  Iehovae  urbem,  circumdando  semel,  et  reversi  sunt  in  castra:  manseruntque  illic.  12.  Rursum  surrexit  Iosue  mane,  tuleruntque  sacerdotes  arcam  Iehovae.  13.  Septem  autem  sacerdotes  ferentes  septem  tubas  arietinas  praecedebant  arcam  Iehovae,  eundo:  et  clangebant  tubis.  Armatus  vero  praecedebat  eos,  et  qui  cogebat  agnem  sequebatur  arcam  Iehovae  eundo,  et  clangendo  tubis.  14.  Circuiverunt  ergo  urbem  die  secundo  vice  alia,  reversique  sunt  ad  castra,  sic  fecerunt  sex  diebus.  15.  Ubi  autem  advenit  septimus  dies,  surrexerunt  simul  ac  ascendit  aurora,  et  circuiverunt  urbem  secundum  eundem  morem  septem  vicibus:  tantum  die  illa  circuiverunt  urbem  septem  vicibus.  16.  Septima  autem  vice  quum  clangerent  sacerdotes  tubis,  dixit  Iosue  ad  populum  :  Vociferamini,  tradidit  Iehova  vobis  urbem.  17.  Erit  autem  urbs  anathema,  ipsa  et  quaecunque  in  ea  sunt,  Iehovae:  tantum  Rahab  meretrix  vivet,  ipsa  et  quicunque  fuerint  cum  ea  domi:  quia  abscondidit  nuncios  quos  misimus.  18.  Verumtamen  vos  cavete  ab  anathemate,  ne  forte  contingatis  aliquid  de  anathemate,  tollatisque  de  anathemate,  et  ponatis  castra  Israel  anathema,  et  turbetis  ea.  19.  Omne  autem  argentum,  et  aurum,  et  vasa  aerea  et  ferrea,  sanctitas  erunt  Iehovae:  thesaurum  Iehovae  ingredientur.  Calvini  opera.  Vol.  XXV.