9:464  frivolis  nugis  attexit:  Haec  l)  nihil  πρὸς  τὴν  ἀρτολατρείαν.  Wormatia  autem  mihi  scribens,  deplorat2)  quod  vicini  Saxones,  qui  missi  fuerant  collegae,  exhibita  ecclesiarum  nostrarum  condemnatione,  discesserant:  et  adiungit:  NuncB)  domi  triumphos  agent  tanquam  de  Cadmaea  victoria.  In  alia  vero  epistola,  implacabilis  eorum  vesaniae  furorisque  pertaesus,  non  dissimulat  se  cupere  mecum  esse.4)  Haec  postrema  nihil  ad  Staphylum,  qui  meritorium  quaestum  ex  linguae  protervia  apud  Antichristum  romanum  facit,  et  ex  professo  in  stabilienda  eius  tyrannide  coelum  terrae  Gigantum  more  permiscet.  Nec  vero  tanti  mihi  est  hic  nebulo,5)  cui  turpis  defectio  a  fide  nihil  pudoris  reliquum  fecit,  ut  in  refellendis  eius  [pag.  7]  maledictis  multum  operae  ponendum  censeam.  Hypothesis  in  qua  proram  et  puppim  causae  suae  locat,  palam  detegit  profanum  omnis  religionis  contemptum.  Totam  enim  quam  profitemur  doctrinam  hoc  solo  nomine  suspectam  esse  vult,  adeoque  infamem  reddere  conatur,  quia  ex  quo  profligatis  tenebris  papatus  rursum  emersit  aeterna  Dei  veritas  multi  quoque  errores  suborti  sunt,  quos  renascenti  evangelio  fert  acceptos.  Quasi  vero  litem  hanc  non  Christo  potius  et  Apostolis  quam  nobis  intendat.  Nunquam  diabolus  tam  impotenter  grassatus  fuerat,  hominum  et  corpora  et  animos  vexando,  quam  ubi  effulsit  coelestis  et  salutifera  Christi  doctrina.  Calumnietur  ergo  Christum  venisse,  ut  qui  prius  sani  erant  daemoniacos  redderet.  Incredibilis  errorum  colluvies  paulo  post  novam  evangelii  promulgationem  exundare  coepit  in  toto  orbe.  Garriat  conductitius  papae  rhetor  Staphylus  ex  evangelio  tanquam  ex  scaturigine  fluxisse.  Certe  si  quos  leves  et  erraticos  spiritus  percellat  hac  tam  futili  calumnia,  non  titubabunt  quorum  cordibus  infixa  fuerit  Pauli  admonitio:  Necesse  est  haereses  esse,  ut  qui  probati  sunt  manifesti  fiant  (1.  Cor.  l  l  ,  19).  Cuius  rei  insigne  est  ipse  documentum:  quia  belluinus  eius  furor,  quem  satis  apparet  iustam  esse  perfidiae  mercedem,  pios  omnes  in  sincero  Dei  timore  confirmat.  Susque  deque  est  homini  spurco  et  plane  Epicureo  coelestis  doctrinae  reverentiam  evelli  ex  omnium  animis.  Imo  huc  tendunt  eius  conatus,  non  tantum  ut  vilescat  omnis  religio  sed  excutiatur  etiam  eius  cura  et  studium.  Ergo  nou  tantum  sua  vanitate  ultro  concidit  eius  improbitas,  sed  bonis  omnibus  detestabilis  est  cum  suo  autore.  Interea  falsum  [pag.  81  invidiae  crimen,  quo  nos  obruere  voluit,  in  eius  caput  retorquere  promptum  est.  Multi  perversi  errores  his  quadra-  1)  Ex  eadem  epistola  modo  laudata.  2)  Ceux  de  Wormasse  m'escnvans  desplorent  etc.  (!)  3)  Haec  in  epp.  a  nobis  tnspectis  non  exstant  4)  Tale  aliquid  legitur  in  epistola  supra  laudata  Not  5.  5)  un  tel  pendard.