8:464  ferat.  Verum  non  minus  secure  loquutus  est,  quam  si  pepigisset  cum  mundo,  fidem  suis  somniis  habendam  esse.  Prodit  alter  fanaticus  ex  suo  antro,1)  qui  Servetum  vocat  optimum  suum  fratrem:  et  ideo  puniendos  esse  negat  haereticos,  quia  sacris  oraculis  sensum  quisque  suo  arbitrio  affingat:  ut  certa  veritas  quasi  nubibus  obvoluta  lateat.  Ita  bonus  interpres  fidem  ex  hominum  cordibus  delere  mavult,  quam  poenis  subiicere  qui  eam  labefactant.  Qualis  enim  exstabit  religio,  quibus  notis  discernetur  vera  ecclesia,  quid  denique  erit  Christus  ipse,  si  incerta  sit  ac  suspensa  pietatis  doctrina?  Quantum  vero  Dei  probrum,  si  ita  flexiloquus  censetur  in  suis  oraculis  ut  nobis  iocose  illudat?2)  Atqui  nisi  certa  religio  prodita  sit  in  scripturis,  sequitur,  nos  ambagibus,  3)  imo  fallaciis  [pag.  12]  ab  ipso  frustra  occupari.  Quid  superest,  nisi  ut  eiusmodi  homines  viam  petulantiae  suae  facturi,  scripturam,  quae  obstaculo  est,  penitus  submoveant?  Interea  verum  esse  quod  nuper  dixi,  apparet,  tum  Lucianicos  et  crassos  Dei  contemptores,  tum  etiam  omnes  tumultuosos  suam  causam  agere,  ut  omnia  impune  perturbent,  dum  religionem  tuendam  a  principibus  suscipi  et  legum  poenis  vindicari  nolunt.4)  Sed  iam  ad  bonos  et  simplices  me  converto:  qui  inscitia  quidem  labuntur,  praecipue  tamen  tyrannicis  papistarum  edictis  offensi  e  recto  iudicio  declinant.5)  Vident,  quum  impie  sub  papatu  foedata  sit  religio,  et  corruptelis  innumeris  referta,  meris  terroribus  diabolicam  illam  confusionem  fulciri,  ut  contra  vel  syllabam  unam  mussitare  capitale  sit.6)  Iusta  sane  offensio:  veritatem  Dei  cernere  ferro  et  ignibus  oppressam,  ut  nemo  eam  suo  patrocinio  iuvare  audeat:  errores  vero  legitimi  iudicii  praetextu  violenter  septos,  ut  coarguendi  nulla  sit  libertas.  Atque  haec  querimonia  piis  omnibus  communis  est.  Itaque  non  taciti  solum  gemimus:  sed  clara  voce  deflemus,  eo  servitutis  redactum  esse  miserum  orbem,  ut  nec  ulla  disceptatio  locum  habeat,  nec  qui  praesulum  nomine  dominantur  vocem  aliquam  suis  placitis  dissonam  admittant,  nec  denique  dubitare  vel  inquirere  permittant.  Barbaries  est  non  ferenda,  ubi  nulla  viget  cognitio,  posses-  1)  Add.  qui  contrefait  le  philosophe.  2)  Add.  leur  tenant  le  bec  en  l'eau.  3)  comme  s'il  nous  parloit  de  cocquecigrues.  4)  Add.  pretendans  d'avoir  conge  de  troubler  tout  le  monde  sans  en  estre  repris,  ne  qu'on  leur  face  sentir  qu'ils  font  mal.  5)  Add.  Et  de  faict  les  ennemis  de  Dieu  sont  si  exorbitans  a  maintenir  leurs  faussetez  diaboliques,  que  cela  peut  troubler  le  iugement  de  ceux  qui  ne  regardent  point  plus  loin.  6)  ils  en  sont  tellement  scandalisez  que  cela  leur  fait  hayr  et  avoir  en  horreur  toutes  punitions,  sans  discerner  si  elles  sont  iustes  ou  non.