6:464  immorantur:  quae,  teste  Paulo,  non  maximam  utilitatem  habent  (Col.  2,  23;  1  Tim.  4,  8).  Quae  perversitas  eo  minus  ferenda  est,  quod  mundus  pernicioso  errore  umbram  pro  re  ipsa  sectatur,  dum  omissa  vera  poenitentia,  in  abstinentias,  vigilias,  et  caetera,  ut  Paulus  appellat  (Gal.  4,  9),  egena  mundi  elementa  toto  studio  incumbit.  Quum  autem  verbum  Dei  notam  esse  dixerimus,  quae  verum  eius  cultum  a  vitioso  pravoque  discernat,  inde  colligere  promptum  est,  totam  colendi  Dei  formam,  quae  hodie  mundo  est  usitata,  nihil  quam  meram  esse  corruptionem.  Neque  enim  quid  Deus  mandaverit,  aut  quid  approbet,  respiciunt,  ut  illi,  quemadmodum  decebat,  obsequantur:  sed  licentiam  excogitandorum  cultuum  sibi  permittunt,  quos  postea  illi  obtrudant  obsequii  loco.  Si  videor  *)  modum  [pag.  15]  in  dicendo  excedere,  agedum  excutiantur  omnia  opera,  quibus  mundus  Deum  se  colere  arbitratur.  Vix  decimam  partem  excipere  audeo,  quin  omnia  temere  in  hominum  cerebris  nata  fuerint.  Quid  amplius  volumus?  Commentitios  omnes  cultus  Deus  respuit,  damnat,  exsecratur.  Fraenum  verbi  sui  nobis  iniicit,  ut  in  simplici  obedientia  nos  contineat.  Ubi  excusso  iugo  evagamur  ad  nostra  figmenta,  et  cultus  humana  temeritate  fabrefactos  illi  offerimus:  utcunque  nobis  arrideant,  coram  eo  inanes  sunt  nugae,  imo  sordes  et'  inquinamenta.  Habent  humanarum  traditionum  patroni  pulchros  et  varios  colores,  quibus  eas  pingant:  et  Paulus  certe  fatetur  eminere  in  illis  speciem  sapientiae  (Col.  2,  23):  sed  quia  pluris  obedientiam  facit  Deus  quam  omnes  victimas,  satis  hoc  valere  debet  ad  repudiandum  quemcunque  cultum,  si  nullo  Dei  mandato  approbetur.  Alterum  christianae  doctrinae  praecipuum  membrum  in  eo  posuimus,  dum  agnoscunt  homines,  ubinam  salutem  quaerere  debeant.  Porro  salutis  nostrae  cognitio  tres  habet  gradus,  Nam  a  propriae  miseriae  sensu  incipiendum  est,  qui  adducere  nos  eousque  debet,  ut  animos  despondeamus2)  tanquam  mortui.  Id  autem  fit,  dum  nobis  originalis  et  haereditaria  naturae  nostrae  vitiositas  ostenditur,  fons  malorum  omnium:  quae  diffidentiam,  rebellionem  adversus  Deum,  superbiam,  avaritiam,  libidines,  et  pravas  omne  genus  cupiditates  in  nobis  gignit:  quae  nos  ab  omni  rectitudine  et  iustitia  aversos,  sub  peccati  vero  [pag.  16J  iugo  captivos  tenet:  dum  sua  singulis  peccata  deteguntur,  ut  sua  turpitudine  confusi  cogantur  sibimet  displicere,  seque  et  sua  omnia  pro  nihilo  ducere.  Deinde  etiam,  ex  adverso  citantur  conscientiae  ad  Dei  tribunal,  ut  agnita  maledictione  sua,  et  quasi  accepto  aeternae  mortis  1)  affingere  1576  seqq.  1)  1576  seqq.  mendose''  video.  2)  ut  omnia  despondeamus  1576  seqq.;  Gallus:  que  nous  defaillions  comme  morts.