55:464  dum  esse  :  si  quando  suam  adversus  impios  ultionem  differat.  Haec  consolatio  nobis  valde  necessaria  est.  Solet  enim  obrepere  ista  cogitatio,  Si  Dominus  suos  habere  vult  integros,  cur  non  omnes  seorsum  colligit  in  aliquem  terrae  angulum,  ut  se  mutuo  ad  sanctitatem  incitent?  Cur  malis  eos  permiscet  a  quibus  inquinentur?  Ubi  autem  Deus  hoc  sibi  munus  vindicat  iuvandi  suos  ac  protegendi  ne  in  certamine  deficiant,  animos  ad  strenue  certandum  colligimus.  Haec  summa  est  prioris  membri,  hanc  piis  omnibus  legem  praescribi  a  Domino,  ut  variis  tentationibus  probentur:  sed  de  successu  bene  sperandum  esse,  quia  eiusdem  auxilio  nunquam  destituendi  sint.  Iniustos  autem.  Hoc  membro  ostendit  Deum  sio  iudicia  sua  moderari,  ut  malos  ad  tempus  tolerando,  non  tamen  inultos  relinquat.  Ita  nimiam  festinationem  corrigit,  qua  praecipites  ferri  solemus:  praesertim  ubi  ipsa  scelerum  attrocitas  nos  gravius  vulnerat.  Tunc  enim  vellemus  eodem  momento  Deum  fulminare:  si  cessat,  non  videtur  amplius  esse  iudex  mundi.  Ergo  ne  temporalis  ista  scelerum  impunitas  nos  perturbet,  in  memoriam  reducit  Petrus,  statutum  esse  a  Domino  iudicii  diem  :  ideo  reprobos  minime  poenam  effugere,  utcunque  non  statim  exigatur.  Emphasis  est  in  verbo  servandi:  ac  si  diceret,  non  esse  elapsos  ex  Dei  manu,  sed  teneri  occultis  vinculis  constrictos,  ut  aliquando  in  iudicium  trahantur.  Participium  xoXaCopivoo;,  quamvis  sit  praesentis  temporis,  sic  tamen  resolvi  debet,  servari  puniendos:  vel,  ut  puniantur.  Nam  ab  ultimi  iudicii  exspectatione  pendere  nos  iubet,  ut  in  spe  et  patientia  usque  ad  vitae  finem  militemus.  10.  Praesertim  vero  eos,  ete.  Hic  ad  hypothesin  descendit,  generalem  doctrinam  suo  instituto  accommodans.  Nam  illi  negotium  erat  cum  prostitutae  nequitiae  hominibus  :  docet  ergo  fieri  non  posse  quin  horribilis  vindicta  ipsos  maneat.  Quum  enim  de  omnibus  poenas  sumpturus  sit  Deus,  quomodo  isti  evaderent  qui  belluarum  in  morem  se  proiiciunt  ad  omne  flagitium?  Ambulare  post  carnem,  est  carni  addictum  esse:  sicuti  bruta  animalia  ratione  et  iudicio  non  aguntur,  sed  carnis  suae  appetitum  pro  summo  duce  habent.  Per  concupiscentiam  p  o  l  l  u  t  i  o  n  i  s  intelligit  foedas  et  effraenes  libidines,  c  ubi  abiecto  honesti  studio,  excussoque  pudore,  ad  immunditiem  feruntur  homines.  Haec  prima  nota  est  quam  eis  inurit,  quod  homines  sint  impuri  ac  nequitiae  dediti.  Sequuntur  aliae  notae,  quod  dominationem  despiciant,  nec  vereantur  contumelia  et  probris  afficere  homines  quos  Deus  honorifico  gradu  dignatur.  Nam  duas  istas  loquutiones  eodem  refero.  Postquam  enim  dixit,  contemptui  illis  esse  dominationem:  huius  mali  fontem  mox  indicat,  quod  audaces  sint  ac  praefracti.  Postremo  quo  magis  exaggeret  eorum  superbiam,  dicit  eos  non