40:464  expertum  fuisse,  non  considerant  quomodo  id  conveniat.  Iam  qui  dicunt  cognitum  fuisse  doloribus,  id  est  propter  suos  dolores,  etiam  torquent  prophetae  verba.  Non  dubito  igitur  quin  hoc  etiam  loco  significet  affligere.  Quantum  attinet  an  nomen,  non  dubito  quin  b  sumatur  pro  "i:  et  Isaiae  13  (v.  22)  ponitur  etiam  hoc  nomen  pro  palatiis,  Bestiae  sylvestres  ululabunt,  inquit  propheta,  rmJD^3,  hoc  est  in  palatiis  eius.  Hoc  non  postest  trahi  ad  viduas:  et  consentiunt  omnes  sumi  pro  palatiis.  Iam  quum  sequatur  apud  prophetam  destruxisse  urbes,  res  ipsa  certe  eo  nos  adducit,  ut  priore  membro  dicamus  afflicta  fuisse  palatia,  deinde  urbes  fuisse  destructas:  hoc  simpliciter  pronuntiat  propheta,  nec  loquitur  hac  in  parte  figurate,  sed  paulo  post  redit  ad  similitudinem,  quod  redacta  fuerit  terra  in  vastitatem  a  voce  rugitus.  Iterum  leoni  comparat  regem  Ioachim:  unde  sequitur  quod  iam  dixi,  mixtum  esse  prophetae  sermonem.  Alibi  etiam  prophetae  exagitant  superbiam  illius  regis.  Nam  quantumvis  esset  contemptibilis,  tamen  sese  extulit  supra  alios  reges:  ideo  ridetur,  quod  non  contentus  sit  statu  et  mediocritate  patrum  suorum  qui  comederunt  et  biberunt,  hoc  est  vixerunt  humaniter:  ille  autem  se  eximere  conetur  e  numero  hominum.  Hac  de  causa  nunc  propheta  dicit  urbes  fuisse  ab  eo  destructas,  et  palatia  fuisse  ab  eo  afflicta.  Est  quidem  enallage  numeri  in  pronominibus,  quia  singularis  numerus  ponitur  in  palatiis,  in  urbibus  autem  pluralis.  Sed  scimus  quam  frequenter  occurrat  haec  mutatio  in  lingua  hebraea:  ideo  quoad  rem  ipsam  nulla  est  ambiguitas,  fuisse  regem  Ioachim  instar  saevae  et  trucis  bestiae,  quia  urbes  destruxit  et  diruit  palatia.  Postea  adiungit  terram  a  voce  rugitus  eius  fuisse  vastam  et  solitariam.  Hic  amplificat  propheta  atrocitatem  regis  illius,  quod  solo  rugitu  terram  in  vastitatem  redegerit.  Non  loquitur  de  unguibus  aut  dentibus,  sed  dicit  ita  fuisse  omnes  conterritos  ad  sonitum  rugitus,  ut  terra  fuerit  vastata  et  solitaria.  Addit  plenitudinem  terrae,  qua  voce  scriptura  notare  solet  quidquid  pertinet  ad  terrae  ornatum.  Comprehendit  igitur  nomen  plenitudinis  tam  arbores  quam  fruges,  et  simul  animalia,  adeoque  incolas.  Nam  terra  inanis  est  ac  vacua  sine  illo  vestitu,  hoc  est,  si  tollantur  arbores  et  fruges,  tollantur  homines  et  animalia,  facies  terrae  vasta  est  ac  deformis,  et  status  ipse  ostendit  inanitatem.  Postea  sequitur,  8.  Et  posuerunt  (vel  ediderunt,  alii  passive,  constitutae  sunt)  super  eum  gentes  in  circuitu,  et  regionibus:  et  expanderunt  super  ipsum  rete  suum:  in  fovea  ipsarum  captus  est.  Quia  verbum  )n3  saepe  accipitur  pro  edere  vocem,  quidam  ita  exponunt  hoc  loco,  gentes  magno  clamore  venisse  contra  regem  Ioachim:  quemadmo-