32:464  feray,  dit  le  Seigneur,  non  point  pour  l'amour  de  vous.  Quand  ie  vous  ay  espars  entre  les  nations,  vous  avez  encore  plus  blaspheme  mon  nom.  Toutesfois  ie  vous  veux  delivrer,  mais  ne  pensez  point  que  cela  soit  pour  l'amour  de  vous.  Ainsi  auiourdhuy  Seigneur  donne  gloire  a  ton  nom,  non  point  a  nous,  non  point  a  nous.  Que  nous  usions  tous  de  ceste  confession,  depuis  le  plus  grand  iusque  au  plus  petit,  que  nul  ne  se  tienne  excuse.  Quand  i'ai  confesse  les  pechez  de  mon  peuple,  dit  Daniel,  n'adiouste  ii  rien?  si  fait,  et  les  miens  propres,  dit  il.  Nous  voyons  quelle  vie  il  meine  en  la  captivite,  il  n'a  que  ce  soing  de  cheminer  en  la  crainte  de  Dieu,  que  fait  il  toutesfois?  Quand  il  a  dit  confusion,  confusion  sur  noz  princes  et  sur  noz  peres,  il  adiouste:  Voila  Seigneur,  que  ie  te  declaire,  non  seulement  au  nom  de  tout  le  peuple  :  mais  en  mon  nom.  Il  ne  fait  point  de  Thermite  comme  les  Papistes,  qui  diront,  il  nous  faut  humilier.  Il  dit  ce  qu'il  a  tout  persuade  en  son  cueur.  O  nostre  Dieu  (dit  Daniel)  escoute  l'oraison  de  ton  serviteur,  et  fais  reluire  ta  face  sur  ton  sanctuaire  desole.  Pour  l'amour  du  Seigneur,  c'est  pour  l'amour  de  Iesus  Christ.  C'est  un  passage  aussi  expres  qui  soit  en  tout  le  viel  Testament.  Il  nous  faut  addresser  noz  prieres  a  nostre  Dieu  a  cause  du  Seigneur  qui  nous  est  donne  du  Pere.  Si  par  cy  devant  nous  avons  este  tant  negligens  de  le  prier,  que  mesme  nous  avons  este  cause  que  son  nom  ayt  este  blaspheme,  disons  maintenant,  Faudra  il  que  Dieu  soit  deshonnore?  que  les  chiens  viennent  a  dire:  Voila  un  bel  Evangile.  Si  les  Papistes  avoyent  gaigne  sur  nous,  comment  viendroyent  ilz  a  blasphemer  ceste  saincte  parolle?  C'est  la  doctrine  de  verite,  digne  d'admiration  entre  les  Anges,  elle  serait  estimee  doctrine  de  chien.  Et  comme  ilz  estiment  tout  par  les  evenemens,  ilz  confermeroyent  leur  meschante  doctrine  et  leurs  abominations.  C'est  la  costume  des  hypocrites,  ils  pensent  que  c'est  le  salaire  de  leurs  oeuvres:  si  Dieu  leur  fait  quelque  grace.  Tout  ainsi  qu'une  paillarde,  si  elle  trouve  quelque  gain  au  bourdeau  elle  prend  occasion  de  cela  d'y  demourer.  Le  Prophete  Osee  fait  ceste  comparaison  des  idolatres,  ont  ils  abondance  de  biens?  viennent  ilz  au  dessus  de  ce  qu'ils  ont  desire?  cela  les  endurcit,  comme  s'ilz  avoyent  receu  un  payement  de  leur  turpitude.  Au  contraire  aussi  les  iniques,  quaud  ilz  voyent  le  peuple  de  Dieu  afflige,  ilz  conferment  leurs  impietez.  Cela  seroit  entre  les  Papistes.  Ilz  ne  demandent  sinon  a  se  moquer  de  la  doctrine  que  nous  tenons.  Pourtant  ii  faut  faire  ceste  remonstrance  a  Dieu,  non  point  qu'il  en  ayt  besoing:  mais  il  veut  que  nous  ayons  ceste  affection  ardente,  que  nous  soyons  plus  esmeuz  quand  nous  voyons  son  nom  blaspheme  que  si  le  ciel  estoit  mesle  avec  la  terre.