55:463  463  EPIST.  PETRI  II  464  Hoc  autem  apostoli  consilium  est,  iram  Dei  adversus  reprobos  ita  nobis  sub  oculis  ponere,  ut  interea  ad  sanctorum  imitationem  nos  hortetur.  6.  Civitates  Sodomorum.  Hoc  divinae  ultionis  adeo  memorabile  fuit  exemplum,  ut  scriptura,  quoties  de  universali  impiorum  exitio  loquitur,  ad  hunc  typum  fere  alludat.  Ideo  dicit  Petrus,  constitutas  esse  has  urbes  in  exemplum.  Yere  quidem  hoc  de  aliis  dici  potest,  sed  quiddam  singulare  notat  Petrus,  quia  haec  praecipua  sit  et  viva  imago.  Imo  quia  Dominus  iram  suam  adversus  impios  testatam  esse  voluerit  sacculis  omnibus:  sicuti  quum  populum  suum  ex  Aegypto  redemit,  in  hac  una  gratia  perpetuam  nobis  depinxit  ecclesiae  salutem.  Quod  etiam  expressit  Iudas,  poenam  ignis  aeterni  vocans.  8.  Nam  oculis  et  auribus.  Vulgo  exponunt,  Loth  oculis  et  auribus  iustum  fuisse,  quia  omnes  eius  sensus  a  sceleribus  Sodomae  abhorrerent.  Potest  tamen  auditus  et  adspectus  alio  referri:  ut  sit  sensus:  Quum  iustus  ille  ageret  inter  Sodomitas,  visu  et  auditu  excruciabat  animam.  Multa  enim  audire  et  videre  coactum  fuisse  scimus,  quae  eius  animum  misere  torquerent.  Summa  huc  redit,  sanctum  hominem,  quum  esset  vitiorum  omnium  prodigiis  undique  obrutus,  non  tamen  a  recto  cursu  deflexisse.  Plus  autem  exprimit  Petrus  quam  antea,  nempe  ^quod  voluntarios  cruciatus  iustus  Loth  subierit:  sicuti  par  est,  non  parvo  dolore  affici  pios  omnes,  ubi  mundum  ruere  vident  in  omne  mali  genus.  Quo  magis  necesse  est,  nos  propriis  peccatis  ingemiscere.  Atque  hoc  nominatim  posuit  apostolus,  ne,  ubi  passim  grassatur  impietas,  vitiorum  illecebris  capti  et  inebriati,  una  cum  aliis  nos  perdamus  :  sed  hunc  dolorem  a  Domino  benedictum  praeferamus  omnibus  mundi  delitiis.  9.  Novit  Dominiis  pios  ex  tentatione  eripere,  in'  iustos  autem  in  diem  iudicii  puniendos  servare:  IO.  praesertim  vero  eos  qui  post  carnem  in  concupiscentia  pollutionis  ambulant,  dominationem  despiciunt,  audaces,  praef  acti,  qui  excellentias  non  verentur  probro  afficere:  l  l  .  quum  angeli  qui  sunt  robore  et  potentia  maiores,  ne  ferant  adversus  illas  coram  Domino  contumeliosum  iudicium.  9.  Novit  Dominus.  Hoc  primum  offendit  infirmos,  quod  quum  anxie  suspirent  fideles,  praesenti  Dei  auxilio  non  statim  levantur:  quin  potius  interdum  eos  sinit  Dominus  diuturno  taedio  et  languore  veluti  contabescere:  deinde  tum  impune  lasciviunt  mali:  et  interim  silet  Deus  quasi  ad  ipsorum  scelera  conniveret.  Hoc  duplex  scandalum  nunc  avertit  Petrus.  Dominum  enim  scire  testatur  quando  ex  tentatione  pios  eripere  expediat.  Quibus  verbis  admonet,  has  illi  partes  relinquendas  esse:  itaque  patienter  durandum  in  tentationibus,  nec  deficien-