37:463  463-464  PROLEGOMENA.  exceptus  sit,  colliges  ex  verbis  Koetteritii  ad  Marbachium  d.  d.  23  Mart.  1564  (N.  4086.  Opp.  XX.  274):  Calvinus  hat  neulich  Electori  Palatino  die  praelectiones  in  Ieremiam  dedicirt  und  eine  hefftige  praefationem  gestellet.  Exstant  in  museo  nostro  quatuor  huius  operis  edi  tiones  praeter  Amstelodamensem.  Princeps  hoc  titulo  venit:  Ioannis  |  Calvini  |  Praelectiones:  |  in  |  librum  Prophetia-  |  rum  Ieremiae,  et  |  Lamentationes.  |  Ioannis  Budaei  et  Caroli  Ionuillaei  labore  et  indu-  |  stria  exceptae.  |  Cum  duobus  indicibus,  priore  quidem  rerum  ac  sententiarum  maxime  |  insignium  :  posteriore  vero  locorum  qui  ex  vetere  et  novo  Testa-  |  menta  citantur,  et  explicantur.  |  (Anchora  cum  serpente).  Genevae  J  apvd  Io.  Crispinum.  |  M.  D.  LXIII,  (fol.)  Folia  liminaria  sex,  in  quibus  post  dedicationem  legitur  praefatio  typographi  haec:  IOANNES  CBISPINUS  LECTOEI  VEKE  CHRISTIANO  S.  Etsi  iam  satis  admoniti  fuerunt  Lectores  quum  in  lucem  prodierunt  clarissimi  ac  ornatissimi  viri  Ioannis  Calvini  Praelectiones  primum  in  duodecim  quos  vulgo  minores  Prophetas  appellant  j  deinde  in  Danielem,  qua  methodo  et  ratione,  a  quibus  etiam  exceptae  fuerint,  ut  frustra  eandem  velut  cantilenam  occinere,  adeoque  actum  agere  videar,  si  nunc  iterum  proferam  quae  fusius  illic  sunt  exposita:  non  abs  re  tamen,  nisi  fallor,  nunc  addam,  has  Praelectiones  in  Ieremiae  Prophetias  et  Lamentationes  a  duobus  illis  fratribus  Ioanne  Budaeo,  et  Carolo  Ionvillaeo  non  minore  industria,  fide  et  diligentia  quam  priores  exceptas  fuisse.  Quod  quidem  facile  iudicabit  quisquis  paulo  attentius  singula  expendet  Ut  autem  excuderetur  quam  tersissime  fieri  posset,  quamvis  elaboratum  sit  summo  studio:  effici  tamen  non  potuit,  quin  nonnulla  exciderint,  quae  post  excusum  typis  librum,  ex  ipso  manu  scripto  exemplari  animadversa  et  sedulo  ab  eodem  Ionvillaeo  emendata  in  calce  operis  notavimus,  ne  pius  Lector  usquam  haereret.  Iam  vero  contextum  Hebraicum  inserere  non  placuit  quum  ob  alia  multa  tum  maxime,  quod  linguae  illius  peritis  ad  manum  esse  non  dubitamus:  reliquis  certe  putamus  non  ita  necessarium.  Veriti  etiam  merito  sumus,  ne  si  ingens  volumen  iustam  magnitudinem  excederet,  nimio  sumptu,  minusque  necessario  gravaretur  emptor.  Caeterum,  ne  sim  prolixior  et  taediosus,  incredibilem  ac  multiplicem  huius  libri  utilitatem  praetereo  quae  tibi  ex  lectione  melius  constabit.  Sic  enim  refertus  est  raris  doctrinae  coelestis  opibus,  ut  ex  eo  tanquam  ex  locuplete  penu  liceat  totius  pietatis  summam  depromere  :  ac  proinde  non  dubium  est  quin  summopere  toti  ecclesiae  Dei  sit  profuturus.  Superest,  Christiane  Lector,  ut  quem  ex  his  commentariis  fructum  percipies,  uni  Deo  acceptum  feras:  et  D.  Calvino  de  piis  omnibus  quam  optime  merito  bene  preceris,  donec  tandem  aeterna  haereditate  potiatur.  Hoc  vero  tam  singulari  thesauro  gratus  fruere,  et  quod  tibi  ex  animo  offertur  aequi  bonique  consule.  Genevae  decimo  Calendas  Augusti  M.  D.  LXIII.  Subiicitur  ibidem  Precatio  qua  solet  uti  Ioannes  Calvinus  initio  suarum  Praelectionum:  Det  nobis  Dominus  in  coelestis  suae  sapientiae  mysteriis  cum  vero  pietatis  profectu  versari  in  gloriam  suam  et  aedificationem  nostram.  Amen.  Terniones  sunt  septuaginta  quinque  (a.z;  A.Z;  Aa.Zz;  AA.FF),  folia  numerata  436.  Caetera  occupant  indices  et  Farrago  emendandorum  satis  ampla.  In  fine  legitur:  Excudit  Ioannes  Crispinus  Genevae  anno  Domini  millesimo  quingentesimo  sexagesimo  tertio  mense  Iulio.  II.  Ioannis  |  Calvini  |  Praelectiones  |  in  |  librum  Prophetia-  |  rum  Ieremiae,  et  |  Lamentationes.  |  Ioannis  Budaei  et  Caroli  Ionuillaei  labore  et  industria  exceptae.  |  Cum  duobus  indicibus,  priore  quidem  rerum  ac  sententiarum  maxime  in-  |  signium:  posteriore  vero  locorum  qui  ex  vetere  et  novo  Testamento  |  citantur,  et  explicantur.  |  (Anchora  cum  serpente,  addito  adagio  illo  quod  iam  olim  descripsimus.)  Genevae  |  apud  Eustathium  Vignon.  |  M.  D.  LXXVI,  (fol.)