32:463  463  SERMON  SUR  LE  PSEAUME  CXV.  464  nous  fussions  plus  meschans.  Pourtant  il  nous  faut  ainsi  parler,  c'est  pour  toy,  Seigneur,  il  est  question  de  la  deffence  de  ton  peuple,  leve  toy  pour  confondre  ces  enragez.  Ce  pendant  il  faut  dire  cecy  et  user  de  ces  motz  en  verite.  Or  pour  faire  cela  il  faut  avoir  deux  choses:  La  premiere  que  nous  sentions  comment  nous  ne  sommes  pas  dignes  que  Dieu  nous  exauce:  mais  au  contraire  que  nous  sommes  bien  dignes  qu'il  nous  punisse.  Pour  ie  second,  il  ne  faut  point  que  ceste  remonstrance  soit  comme  une  rhetorique  froide,  comme  nous  en  usons  envers  les  hommes,  comme  nous  disons,  ie  luy  monstreray  que  c'est  son  honneur,  et  son  profit:  c'est  une  couleur,  il  ne  nous  en  faut  point  faire  ainsi  envers  Dieu,  nous  ne  le  pourrons  point  abuser.  Ne  disons  point  Donne  gloire  a  ton  nomu  et  ce  pendant  que  nous  n'ayons  point  ceste  affection,  voulans  tromper  Dieu  comme  un  homme  mortel,  non.  Que  nous  ayons  un  vray  zele,  que  nous  estimions  cela  plus  que  nostre  vie,  ie  dy  mesme  que  le  salut  de  noz  ames,  que  nous  perrissions  plustost  que  son  nom  soit  diminue  en  rien  qui  soit.  Pourtant  si  nous  voulons  user  de  ceste  oraison  comme  elle  nous  est  dictee,  que  nous  prisions  plus  son  nom  que  toutes  choses.  Il  est  vray  que  nous  sommes  hommes,  nous  ne  devons  point  estre  sans  humanite,  pour  ceste  cause  nous  te  requerons  qu'il  te  plaise  avoir  pitie  de  noz  povres  freres.  Mais  sur  tout  que  nous  ayons  esgard  a  l'honneur  de  son  nom.  Encore  si  nous  pouvions  estre  destruictz  sans  que  l'honneur  de  ton  nom  fust  aucunement  blesse,  cela  seroit  plus  passable  et  facile  a  porter.  Pourtant  que  nous  ayons  ceste  cognoissance  en  premier  lieu,  que  nous  sommes  bien  dignes  qu'il  nous  punisse,  et  qu'il  n'use  pas  seulement  de  sa  main,  mais  de  celle  des  infideles.  Comme  un  iuge  il  ne  punira  point  un  malfaicteur  de  sa  propre  main:  mais  le  remet  en  la  main  du  bourreau,  ainsi  en  pourroit  faire  le  Seigneur  de  nous.  O  Seigneur,  dit  le  Prophete,  confusion  soit  sur  noz  faces,  malheur  sur  nous,  sur  noz  roys,  sur  noz  princes,  sur  noz  peres,  comme  s'il  disoit:  II  n'y  a  rien  si  digne,  ne  si  excellent  qui  ne  soit  digne  d'estre  puny.  Mais  Seigneur,  nous  ne  presentons  point  noz  prieres  devant  toy  en  noz  iustices,  mais  en  tes  misericordes,  en  tes  grandes  bontez,  voire  infinies,  que  tu  nous  as  monstre  cy  devant,  et  que  tu  nous  as  promis  de  continuer.  Disons  tous  a  l'exemple  de  ce  Prophete:  Seigneur,  tu  nous  pourrois  tous  abandonner  entre  les  mains  des  iniques,  mais  nous  ne  te  requerons  point  en  noz  iustices,  nous  ne  disons  point  que  nous  ayons  rien  pour  t'induire,  nous  t'avons  tous  offense:  pour  l'amour  de  toy  exauce  nous,  ton  nom  est  invoque  sur  nous.  Qu'il  nous  souvienne  aussi  de  ce  que  dit  le  Seigneur  par  Ezechiel.  Ie  le  feray,  ie  le