9:462  deponeres  :  Utinam  utinam  moriar  in  hoc  sinu.  Ego  vero  millies  postea  optavi  nobis  contingere  ut  simul  essemus.  Certe  animosior  fuisses  ad  obeunda  certamina,  et  ad  spernendam  invidiam,  falsasque  criminationes  pro  nihilo  ducendas  fortior.  Hoc  quoque  modo  cohibita  fuisset  multorum  improbitas,  quibus  ex  tua  mollitie,  quam  vocabant,  crevit  insultandi  audacia.  Ac  Staphyli  quidem  latratus  abs  te  sunt  graviter  refutati.  De  Gallo  privatim  apud  me  conquestus,  cuius  rei  testes  sunt  literae  manu  tua  scriptae,  eius  et  similium  insolentiam  compescere  neglexisti.  Nec  vero  quid  aliquando  mihi  scripseris,  oblitus  sum.  Verba  ipsa  adscribam:  Scio1)  te  pro  tua  excellenti  prudentia  ex  scriptis  adversariorum  tuarum  iudicare,  quales  sint  eorum  naturae,  et  quod  intueantur  theatrum.2)  Verum  quid  ego  ad  haec  responderim  recordor,  et  ipsa  quoque  verba  meae  epistolae  adscribam:  Recte3  )  quidem  et  prudenter  admones  id  sibi  unum  nostros  antagonistas  proponere,  ut  se  theatro  venditent.  Quanquam  autem  sua  opinio  longe  eos,  ut  spero  et  credibile  est,  frustrabitur,  tamen  ut  totius  mundi  plausum  referant,  eo  nos  maiore  studio  ad  coelestem  ἀγωνοθέτην,  sub  cuius  oculis  certamus,  intentos  esse  decet.  Quid?  An  sacer  angelorum  consessus,  qui  et  suo  favore  nos  excitant,  et  viam  strenue  agendi  praemonstrant  suo  exemplo,  pigrescere  vel  cunctanter  pedes  movere  sinet?  Quid  totus  sanctorum  patrum  chorus?  an  nullos  addet  stimulos?  Quid  [pag.  5]  porro  Dei  ecclesia  quae  in  mundo  versatur?  Quum  eam  sciamus,  et  votis  nobiscum  pugnare,  et  exemplo  nostro  animari,  an  nihil  1)  Epp.  Calvini  impressae.  Gen.  p.  162.  Laus.  p.  341.  Han.  p.  382.  Amst  p.  100.  2)  et  a  quel  eschaffaut  c'est  qu'ils  se  dressent.  3)  Epp.  impressae  Gen.  p.  162.  Laus.  p.  352.  Han.  jp.394.  Amst.  p.  100.