8:462  metu  magis  quam  pudore  a  male  scribendo  cohibentur,  indigna  tyrannide  ecclesiam  opprimi  contendunt,  nisi  cuique  liberum  sit,  quae  placuerint  in  lucem  proferre.  Ex  eorum  numero  ipse  quoque  Servetus  fuit,  qui  indomitam  suam  proterviam  ullis  habenis  constringi  indigne  ferens,  negabat  in  causis  religionis  aliquem  esse  gladii  usum.  Quanquam  hac  in  parte  homo  vertiginosus  turpiter  secum  ipse  dissidet.  Nam  ex  triginta  epistolis,  quas  velut  ad  me  scriptas  in  publicum  edidit,  vigesima  septima  hanc  quaestionem  continet:  [pag.  9]  liceatne  christianis  principibus  scelera  morte  punire.  Sententiam  dicturus  ita  praefatur:  Optimus  ille  ordo  est  quem  docet  intus  spiritus:  qui  et  reluctantem  carnem  cohibere  docet.  Sed  numquid  occidere?  Veritas  Dei  est,  rigidum  illud  ad  mortem  iudicium  per  Christum  esse  remissum,  ubi  spes  est  correctionis.  Hinc  adulterae  dixit:  Vade,  et  posthac  ne  peccaveris.  Et  alibi  adiecit:  Ne  quid  deterius  tibi  contingat.  Sicut  iudex  ille  supremus  nos  corrigit,  et  monet  antequam  occidat:  ita  alii  iudices  facere  debent.  Illud  verum  est,  quod  correctione  non  exspectata  Ananiam  et  Sapphiram  occidit  Petrus,  ibi  morituros  praedicens  in  criminis  detestationem  et  aliorum  exemplum.  Aut  certe  quia  spiritus  sanctus  tunc  maxime  vigens,  quem  spreverant  docebat  esse  incorrigibiles  in  malitia  obstinatos.  Hoc  crimen  est  morte  simpliciter  dignum  et  apud  Deum  et  apud  homines.  In  aliis  autem  criminibus,  ubi  spiritus  sanctus  speciale  quid  non  docet,  ubi  non  est  inveterata  malitia,  aut  obstinatio  certa  non  apparet,  aut  atrocitas  magna,  correctionem  per  alias  castigationes  magis  sperare  debemus,  quam  mortem  inferre.  Inter  correctiones  exsilium  laudamus,  Christo  ita  probatum,  ut  excommunicatio  probatur  in  ecclesia.  Schismata  et  haereses  ita  initio  puniebantur,  durante  apostolicae  traditionis  vestigio.  Qui  extra  fidei  negotium  sunt  facinorosi,  iure  omnium  gentium  puniuntur:  quod  etiam  ius  naturale  est.  Hoc  Christus  non  negavit:  sicut  haereditatem  dividere  recusans,  non  negavit  esse  qui  haereditates  dividerent.  *)  Primum  negat,  occidere  ex  spiritus  doctrina  proficisci.  Deinde  mortale  iudicium  Christi  adventu  remissum  esse,  [pag.  10]  ubi  spes  est  correctionis.  Paulo  post  fatetur,  extra  fidei  negotium  de  sceleratis  capitale  supplicium  iuste  sumi:  neque  magis  impediri  tales  poenas  Christi  adventu,  quam  ius  familiae  herciscundae.2)  Et  me  scilicet  Iudaeum  appellat,  quia  iuris  rigorem  intactum  relinquo.  Ego  autem  non  vereor  ne  mihi  probro  vertant  sani  lectores,  si  abrogare,  quod  a  Deo  sancitum  esse  constat,  ausus  non  fuerim.  Quid  autem  ipse?  Chri-  1)  Add,  Voila  les  propres  mots  de  Servet.  2)  que  tout  le  reste  de  la  police.