7:462  lunt,  ut  hac  fiducia  nitantur  eorum  conscientiae  apud  Deum:  primum  fidem  evertunt,  et  iniuriam  faciunt  gratiae  Dei  minime  ferendam.  Deinde  nihil  afferunt,  quod  impiam  ipsorum  persuasionem  iuvet,  de  possibili  legis  observatione.  Nam  si  pro  nihilo  ducant  leviores,  quos  vocant,  lapsus,  insonat  horribilis  illa  supremi  iudicis  sententia:  Qui  unum  ex  minimis  istis  mandatis  contempserit,  minimus  vocabitur  in  regno  coelorum  (Matth.  5,  19).  Quanquam  scire  velim,  quae  voeent  saltem  levia  peccata  (sic  enim  extenuandi  gratia  loquuntur)l)  et  cur  potius  quandoque  dicant  iustos  in  ea  cadere,  quam  assidue,  vel  identidem.  Vix  enim  momentum  praeterit,  quo  non  contrahamus  novum  aliquem  reatum.  Levia  peccata  illis  sunt  omne  genus  concupiscentiae,  quae  nos  ad  quaevis  mala  sollicitant:  tentationes  item  omne  genus,  quae  nos  usque  ad  Dei  blasphemias  impellunt,  [pag.  204]  Quidquid  sit,  in  manifesta  contradictione  hic  tenentur.  Quaecunque  postea  continentur  in  eodem  capite,  nihilo  plus  causae  praesenti  serviunt,  quam  si  quis  ex  pedum  ingressu  probare  velit,  manus  non  palpare.2)  Aliquot  ad  piam  vitam  exhortationes  colligunt.  Quid  tandem  inde  extorquebunt,  nisi  quod  centuplo  melius,  et  longe  alia  energia,  tum  ex  scriptis,  tum  ex  concionibus  nostris,  tum  ex  quotidianis  etiam  sermonibus  disci  potest,  non  ad  immunditiem  nos  esse  vocatos,  sed  ad  sanctificationem  (1  Thess.  4,  7):  apparuisse  Dei  misericordiam,  ut  abnegatis  carnis  cupiditatibus  pie  et  sancte  vivamus  in  saeculo  (Tit.  2,  11):  nos  cum  Christo  resurrexisse,  ut  coelestia  cogitemus  (Coloss.  3,  1).  At  magnum  quiddam  videntur  sibi  effecisse,  dum  colligunt,  frustra  gloriari  coelesti  haereditate,  qui  passionum  Christi  consortes  esse  nolunt.  At  nos  id  ipsum  quanto  melius,  iudicent  lectores.  Unum  tamen  interest,  quod  nos,  dum  communicandum  esse  docemus  passionibus  Christi,  ut  ad  societatem  perveniamus  beatae  resurrectionis  (Rom.  8,  17),  non  separamus  Christum  a  se  ipso.3)  Isti,  quod  nullo  modo  sequitur,  perperam  inferunt:  nos  patiendo  mereri  vitam  aeternam,  et  in  eo  sitam  esse  iustitiae  nostrae  partem,  ne  sola  Dei  gratia  nitamur.  Verum,  improbius  etiamnum  ludunt  in  [pag.  205]  sua  consequentia:  nam  inde  colligunt,  inimicos  esse  religionis  christianae,  qui  iustos  tradunt  in  omni  bono  opere  saltem  venialiter  peccare.  Scire  velim,  ex  qua  dialectica  tales  consequentias  didicerint  :4)  Sic  currite,  ut  praemium  apprehendatis  (1  Cor.  1)  Parenthesis  haec  om.  in  versione.  2)  que  les  oreilles  n'oyent  point.  3)  Add.  mais  le  laissons  en  son  entier,  confessans  qu'en  sa  seule  grace  nous  avons  salut.  4)  Add.  d'autant  que  sainct  Paul  dit,  que  nous  devons  courir  etc.