40:462  alienis  bellis  distrahi,  hac  occasione  collegit  exercitum,  et  conatus  est  occupare  vicinas  quasdam  urbes.  Pharao  autem  postquam  se  explicuit  ab  aliis  negotiis,  ingressus  est  Iudaeam:  et  quum  non  esset  Ioachas  par  ad  resistendum,  captus  fuit.  Nunc  ergo  tenemus  consilium  prophetae,  nempe  quum  haec  prima  calamitas,  imo  clades  Iudaeis  accidit,  tunc  iuste  fuisse  castigatos,  quia  leunculi  erant,  et  ab  ipsis  exortus  erat  leo,  ut  iam  tolerabilis  non  esset  eius  crudelitas  apud  profanas  gentes:  haec  est  summa.  Nunc  si  expendimus  qualis  fuerit  pater  Ioachas,  hoc  erit  magis  detestabile.  Scimus  enim,  si  quis  unquam  rex  et  pietate,  et  omni  genere  virtutum  excelluit,  in  illo  numero  et  ordine  fuisse  Iosiam.  Quod  autem  filius  tam  dissimilis  fuit  patri,  hinc  apparet  quam  perverso  fuerit  ingenio.  Neque  enim  dubium  est  quin  pater  studuerit  ipsum  instituere  in  timore  et  cultu  Dei,  et  formare  ad  munus  regium  exercendum.  Verum  si  ad  totum  populum  descendimus,  prodigium  adhuc  erit  magis  detestabile.  Nam  scimus  quanto  fervore  zeli  Iosias  incubuerit  ad  mores  populi  formandos,  ita  ut  esset  quasi  novus  regni  status.  Mox  populum  ita  deficere,  ut  spiritus  sanctus  dicat  matrem  ipsorum  esse  leaenam,  et  accubuisse  inter  leones,  hinc  videmus  quam  prava  fuerit  illius  populi  natura.  Nunc  sequitur,  5.  M  vidit  quod  sperasset,  perdita  esset  (periisset)  spes  eius:  et  sumpsit  unum  ex  catulis  suis7  leonem  constituit  eum  (hoc  est  educavit,  vel  extulit  eousque  dum  esset  leo).  Non  possem  ulterius  progredi.  Heri  retulimus  sententiam  prophetae  ubi  dicit  Iudaeam  produxisse  alterum  leonem  postquam  captus  fuerat  prior,  et  tractus  in  Aegyptum.  Hoc  vero  referri  debet  ad  regem  Ioiakim,  qui  creatus  fuit  arbitrio  regis  Nabuchadnezer  quum  vastasset  partem  Aegypti,  et  potitus  esset  tota  Iudaea,  ac  regem  constituendo  imposuisset  leges,  ut  fieri  solet  a  victoribus.  Sed  quia  ille  quoque  perfide  se  gessit,  abductus  est  in  exsilium.  Significat  igitur  propheta  non  resipuisse  gentem  illam  ex  quo  semel  castigata  fuerat,  neque  mutasse  ingenium,  quia  mater  semper  fuit  leaena:  neque  tantum  peperit  leunculos,  sed  ita  instituit  ad  rapiendam  praedam,  ut  fierent  leones.  Dicit  igitur  vidisse  quod  sperasset,  et  perdita  fuisset  spes  eius.  Quanquam  sunt  qui  nomen  spei  putent  hic  repeti  a  propheta,  vidit  quod  spes  eius  perdita  esset,  perdita  spes,  inquam.  Sed  rectior  est  altera  lectio,  vidit  quod  sperasset,  hoc  est,  vidit  quod  nihil  profecisset  sperando  post  aliquantum  temporis,  quia  manebat  sedes  regia  quasi  deserta:  ideo  sumpsit  alterum  ex  catulis  suis,  inquit,  et  constituit  illum  leonem.  Iterum  breviter  docet  propheta  totam  so-