35:462  pagnie  d'hommes.  Quand  donc  nous  voyons  ces  choses,  et  qu'il  y  a  un  tel  ordre  au  monde,  c'est  bien  pour  nous  monstrer  que  Dieu  nous  creant  ainsi  petits  que  nous  sommes,  nous  a  fait  une  grace  excellente,  et  cependant  qu'il  s'est  aussi  monstre  aux  bestes  brutes.  Que  s'il  ne  nous  suffist  de  cognoistre  ce  qu'il  a  mis  en  nous:  si  nous  coutemplons  les  bestes  brutes,  nous  trouverons  la  qu'il  y  a  dequoy  nous  estonner.  Et  cependant  aussi  notons  bien,  que  s'il  estoit  question  de  dominer  par  grandeur,  les  elephans  Pemporteroyent  bien  par  dessus  nous.  Mais  quoy?  Nous  voyons  qu'ils  se  laissent  donter  par  les  hommes  comme  petits  poulains  a  restable.  Nous  voyons  aussi  d'autre  coste,  que  Dieu  les  a  destituez  de  beaucoup  de  choses.  Voila  une  grande  masse:  et  toutes  fois  ils  ne  peuvent  plier  les  iambes,  et  faut  qu'ils  demeurent  debout:  car  quand  un  elephant  est  de  plat,  il  ne  se  sauroit  relever.  Quand  nous  voyons  une  telle  vertu  d'un  coste,  et  que  nous  voyons  un  tel  defaut  de  l'autre,  assavoir  que  les  iambes  ne  leur  plient  point,  et  qu'il  faut  que  ces  bestes  demeurent  debout  pour  prendre  leur  repos:  que  si  un  elephant  est  la  couche  plat,  et  qu'il  soit  question  de  le  relever,  c'est  comme  si  on  vouloit  dresser  une  maison:  quand  nous  voyons  cela:  n'avons  nous  point  de  quoi  glorifier  la  bonte  de  Dieu?  Car  a  quoi  tient-il  que  les  elephans  ne  nous  devorent  tous?  Ils  mangent  le  foin  comme  les  boeufs.  Quand  donc  ces  bestes  qui  pourroyent  exercer  une  telle  cruaute,  de  raser  tout  le  genre  humain  de  ce  monde,  quand  di-ie,  elles  se  paissent  d'herbages  par  les  montagnes,  qu'elles  s'en  vont  cacher  sous  les  ombres  des  arbres,  et  que  cependant  elles  ne  se  iettent  point  en  telle  furie  comme  elles  pourroyent  selon  leur  grandeur:  d'ou  vient  cela,  sinon  que  Dieu  a  voulu  dompter  ces  bestes,  afin  de  nous  donner  lieu  pour  habiter  ici  bas?  Et  puis,  quand  nous  sommes  environnez  de  tant  d'especes  d'autres  bestes  sauvages,  pourrions-nous  subsister  un  iour  en  ce  monde  sans  estre  devorez:  sinon  que  Dieu  eust  une  bride  secrette  pour  retenir  la  furie  de  ces  bestes  sauvages?  Et  ainsi  apprenons  de  tellement  contempler  les  oeuvres  de  Dieu,  que  ce  soit  pour  magnifier  sa  vertu,  sa  bonte,  sa  sagesse,  et  sa  iustice,  comme  il  appartient,  en  nous  humiliant,  voire  estans  aneantis  du  tout  comme  nous  ne  sommes  rien.  Or  nous-nous  prosternerons  devant  la  face  de  nostre  bon  Dieu,  etc.