32:462  combien  que  les  fideles  puissent  user  de  glaive,  quand  cela  se  fera  par  ordonnance  publique,  comme  quand  Dieu  aura  donne  quelque  prince  Chrestien,  nous  aurons  les  munitions,  les  moyens,  la  prudence,  mais  ou  sera  nostre  gloire,  nostre  confiance?  en  l'invocation  du  nom  de  Dieu.  Que  cela  soit  tousiours  verifie,  que  Dieu  combatte  pour  nous,  et  quenous  nous  reposions,  comme  dit  Moyse  du  peuple.  Comment  se  fait  cela?  Le  peuple  batailloit;  ce  pendant  il  ne  se  reposoit  point  donc.  Cela  s'entend  que  le  peuple  ne  se  confioit  point  en  sa  vertu,  ainsi  nous  nous  reposerons  (combien  que  nous  soyons  au  guet)  quand  nous  attribuerons  tout  a  la  main  de  Dieu.  Que  si  nous  avons  quelque  confiance  en  nous,  tout  ne  sera  que  fumee,  et  fatras  de  nulle  valeur.  Qui  plus  e&t,  tout  ne  sera  qu'a  nostre  confusion.  Il  faut  donc  que  Pieu  bataille  pour  nous.  Ce  Pseaume  present  c'est  comme  si  Dieu  venoit  la  se  presenter,  nous  disant:  Vous  voyez  mon  Eglise,  ceux  qui  sont  en  affliction,  ce  sont  voz  freres,  ce  sont  voz  membres.  Ie  n'ay  qu'une  Eglise,  quand  on  l'outrage  c'est  ma  cause,  il  est  question  de  l'honneur  de  mon  nom.  Item,  la  chose  pourra  venir  iusqu'a  vous:  Le  lieu  des  autres  n'est  pas  plus  expose  au  dangier  que  le  vostre.  Que  vous  ne  dormiez  point  donc,  quand  vous  voyez  le  feu  enflambe,  quand  vous  voyez  que  Satan  a  esmeu  ses  suppotz,  pensez  a  m'invoquer:  Voicy  une  oraison  que  ie  vous  ay  dictee,  combien  qu'elle  soit  procedee  de  la  bouche  de  mes  Prophetes.  Ie  la  vous  donne.  Quand  Dieu  nous  pousse,  nous  incite,  nous  met  quasi  les  parolles  en  la  bouche,  disant:  Voicy  vostre  lecon,  n'est  ce  point  une  consolation  inestimable?  Mais  il  est  question  que  nous  ne  soyons  point  sourdz,  quand  Dieu  parle  ainsi,  que  nostre  cueur  soit  ouvert,  que  nous  soyons  touchez.  Quand  il  nous  exhorte,  que  cela  nous  esmeuve.  Venons  maintenant  au  texte,  pour  l'appliquer  a  nostre  usage,  nous  avons  donne  le  sens  du  Prophete.  Voicy  comme  il  faut  proposer  nostre  oraison:  Non  point  a  nous,  non  point  a  nous,  Seigneur,  mais  a  ton  nom  donne  gloire  et  honneur.  Car  que  pourrions  nous  trouver  en  quoy  il  serait  oblige  a  nous?  rien  qui  soit:  qui  plus  est,  s'il  ne  destourne  sa  face  de  nostre  vie,  il  a  bien  iuste  occasion  de  nous  chastier  plus  rudement  qu'il  ne  fait.  Ce  ne  seroit  point  un  moyen  de  l'esmouvoir  a  nous  secourir,  si  nous  luy  presentions  nos  personnes,  mais  disons  Seigneur  que  tu  regardes  a  Vhonneur  de  ton  nom.  Ceux  qui  nous  font  la  guerre,  ce  sont  brigans  et  boutefeux.  Qu'est  ce  d'un  brigand  qui  va  copper  la  gorge  en  temps  de  paix?  Mais  encore  Seigneur,  il  n'est  point  question  de  leur  vie,  s'ils  ne  valent  rien,  nous  ne  valons  guere,  mais  c'est  a  toy,  Seigneur,  qu'ils  saddressent.  Est  ce  d'autant  que  nous  ayons  commis  quelque  offence?  non.  Ilz  voudroyent  que