20:462  symbolum  externum  tantum  signum  sit  fidei  ac  professionis  nota,  qua  discerni  possimus  ab  aliis,  erroneum  est.  Ad  extremum  post  4  articulum  haec  adduntur:  In  hac  praefata  confessione,  et  ea  sola  quae  scriptis  propheticis  et  apostolicis  conformis  est,  decreverunt  Electores  ac  principes  manere  et  contra  eam  nihil  instituere.  Si  tamen  in  posterum  de  his  articulis  disputationes  moveantur  et  fusior  explicatio  requiratur,  volunt  Electores  et  principes  cum  aliis  Aug.  confessionis  sociis  statibus,  uti  ordo  reipublicae  ecclesiasticae  et  fraterna  caritas  poscunt,  fusius  conferre  et  colloqui,  ac  sese  tales  praebere  ut  ex  divino  mandato  debent  Nolunt  praeterea  ferre  aut  pati  ut  in  scholis  vel  ecclesiis  suae  ditionis  aliquid  praedicetur,  doceatur  publice  aut  privatim,  quod  cum  hac  confessione  repugnet,  ne  de  ipsis  vere  spargi  possit,  eos  impia  schismata  ac  errores  scientes  ferre.  Quod  etiam  suis  ecclesiarum  ministris  edictum  volunt,  ut  superioribus  et  huic  repetitae  confessioni  per  omnia  se  conforment,  ita  ut  verbum  Dei  pure  praedicent  ac  doceant,  nullam  vero  doctrinam  erroneam  ac  periculosam  ac  non  necessariam  aut  perversam  excitent  admisceantve,  per  quam  omnipotentis  Domini  et  salvificum  evangelium  male  audiat,  simplices  offendantur  et  ecclesiae  Augustanae  confessioni  adhaerentes  traducantur.  Plura  non  potui  complecti  exclusus  angustia  temporis.  Iubemur  sententiam  nostram  de  4  articulis  scripto  testari  apud  ampliss.  Senatum,  qui  deinde  ad  Illustr.  principem  Electorem  Palatinum  perferri  curabit.  Idem  poscuntur  et  alii  ministri  Germanicarum  ecclesiarum.  Tota  nostra  precibus  tuis  adiuva  et  si  qua  potes  opem  ser.  At  res  poscit  praesentem.2)  4191.  SENATUS  GENEVENSIS  DUCI  BIPONTINO.  Petit  Tremellium  professorem  linguae  hebraicae.  (Archives  de  Geneve.  Lettres  de  la  Seigneurie.)  Illustrissimo  principi  ac  Domino  D.  Duci  Bipontino  Bavariae  Palatino.  2)  Scripta  fuit  non  ita  multo  post  editum  Recessum  illum  qui  autor  e  Melanchthone  conscriptus  a.  d.  XV.  Kal.  lun.  1558  a  principibus  receptus  est.  Epistolae  autor  Argentoratensis  fuisse  videtur.