8:461  461  MICHAELIS  SERVETI.  462  me  non  venditavi,  modestiae,  non  timiditati  tribuent  aequi  et  candidi  iudices.  Nec  vero  mihi  adeo  formidabilis  fuit  Serveti  eloquentia,  ut  ego  eius  metu  prohibitus,  in  ipso  reprimendo  obmutuerim,  qui  longe  robustiores  pro  asserenda  Christi  causa  saepius  lacessere  non  sum  veritus.  Quin  potius  timui,  ne  si  argumentum  illud  serio  tractandum  susciperem,  malevoli  forte  aliqui  obstreperent,  me  pugnandi  nimis  esse  cupidum.  Nunc  vero  quum  mortui  hominis  reliquiae  pestiferum  foetorem  spirent,  quisquis  malum,  ne  longius  serpat,  remedio  arceri  indignabitur,  improbum  se  et  crudelem  ostendet.  Quam  praepostera,  obsecro,  ista  est  humanitas,  ut  silentio  tegatur  unius  hominis  dedecus,  Satanae  aucupiis  mille  animas  prostitui?  Utinam  sepulti  essent  Serveti  errores.  Sed  dum  eos  volitare  audio,  tacere  sine  perfidiae  culpa  non  licet.  Quanquam  non  tam  huius  lucubrationis,  quam  inflictae  homini  poenae  reddenda  ratio  est.  Nam  quidquid  a  Senatu  nostro  actum  est,  mihi  passim  adscribitur.  1)  Nec  sane  dissimulo,  mea  opera  consilioque  iure  [pag.  8]  in  carcerem  fuisse  coniectum.  Quia  recepto  huius  civitatis  iure,  criminis  reum  peragere  oportuit:2)  causam  huc  usque  me  esse  prosequutum  fateor.  Ex  quo  convictus  est,  me  nullum  de  poena  verbum  fecisse,  non  sblum  boni  omnes  viri  mihi  testes  erunt  sed  malis  etiam  concedo  ut  proferant  si  quid  habent.  Sed  quatenus  progressus  sim  non  tanti  interest,  ut  publico  libro  calumnia  quam  mihi  aspergunt  vel  turbulenti  homines,  vel  maligni,  vel  stolidi  et  ebriosi,  purgetur.  Alia  (ut  video)  causa  nunc  agenda  est:  AN  CHRISTIANIS  IUDICIBUS  HAERETICOS  PUNIRE  LICEAT.*)  Atque  ut  hic  mihi  cum  duobus  hominum  generibus  negotium  est,  ita  distincte  utrosque  ut  merentur  tractabo.  Multi  hodie  sunt  turbulenti  homines,  quibus  si  liberum  foret  quidquid  intus  conceptum  habent  effutire,  nihil  non  pro  effraeni  sua  audacia  convellerent.  Istis  non  mirum  est  si  tantopere  arridet  impunitas,  licentiae  mater.  Facile  etiam  subscribunt  Epicurei  omnes  ac  Lucianici,  quorum3)  voluptati  hoc  unum  deest,  quod  quae  inter  se  clanculum  et  aenigmatice  sacrilegia  obmurmurant,  pleno  ore  crepare  non  audent.  Denique  quotquot  poenae  1)  Add.  par  beaucoup  d'ignorans.  2)  il  falloit  que  quelqu'un  se  feist  partie  :  ie  confesse  que  l'homme  qui  demanda  iustice  contre  luy  le  feit  a  mon  adveu.  .)  In  gallico  haec  non  rubrica  est  sed  ipsius  orationis  pars:  Ainsi  ie  croy  qu'il  vaudra  mieux  traicter  en  general  s'il  est  licite  aux  Princes  et  iuges  Chrestiens  de  punir  les  heretiques.  3)  quum  Beza  et  Amst.