55:461  461  CAPUT  II.  462  exagitent  ipsi  conviciis  christianam  professionem,  alios  tamen  ad  conviciandum  armant.  3.  Fictis  .sermonibus.  Modis  omnibus  studet  Petrus  infensos  reddere  fideles  pravis  doctoribus,  ut  eos  acrius  a  se  ac  constantius  repellant.  Hoc  maxime  odiosum  est  nos  tanquam  vilia  mancipia  venum  exponi.  Hoc  autem  fieri  testatur,  si  quis  nos  a  Christi  liberatione  subducit.  Fictos  sermones  vocat,  arte  compositos  ad  fallendum.  Ergo  nisi  quis  ita  insaniat  ut  sponte  a  falsis  doctoribus  pretio  addici  velit  animae  suae  salutem,  perversis  eorum  figmentis  aditum  omnem  praecludat.  Eodem  quo  prius  consilio  iterum  repetit  non  cessare  eorum  exitium,  ut  bonos  a  societate  eorum  absterreat.  Quando  enim  propinquo  exitio  devoti  sunt,  quisquis  se  illis  commiscet,  nihil  potest  quam  misere  perire.  4.  Si  enim  angelis,  qui  peccaverant,  Deus  non  pepercit^  sed  catenis  caliginis  in  Tartarum  praecipitatos  tradidit  servandos  in  iudicium:  5.  et  prisco  mundo  non  pepercit,  sed  octavum  iustitiae  praeconem  Noe  servavit^  diluvio  in  mundum  impiorum  inducto:  6.  et  civitates  Sodomorum  et  Gomorrhae  in  cinerem  redactas  subversione  damnavit,  easque  statuit  exemplum  iis  qui  impie  acturi  forent:  7.  et  iustum  Loth,  qui  op~  primebatur  a  nefariis  per  libidinosam  conversationem,  eripuit  8.  Nam  oculis  et  auribus  iustus  ille,  quum  habitaret  inter  ipsos,  quotidie  animam  iustam  iniquis  illorum  operibus  excruciabat.  4.  Si  enim,  ete.  Diximus  quantopere  intersit  hoc  cognosci,  non  posse  impios,  qui  ecclesiam  pravis  dogmatibus  corruperunt,  Dei  vindictam  effugere.  Hoc  itaque  tribus  maxime  insignibus  divini  iudicii  exemplis  probat,  Quod  ne  angelis  quidem  suis  pepercerit:  quod  totum  mundum  semel  absumpserit  diluvio:  quod  Sodomam  et  alias  vicinas  urbes  redegerit  in  cinerem.  Sumit  autem  pro  confesso  Petrus  quod  inter  nos  indubium  esse  debet,  Deum  scilicet  esse  totius  mundi  iudicem.  Unde  sequitur,  quas  de  impiis  et  sceleratis  poenas  olim  sumpsit,  nunc  quoque  de  similibus  sumpturum.  Neque  enim  sibi  dissimilis  esse  potest,  nec  personas  accipit,  ut  idem  scelus  alteri  ignoscat  quod  vindicavit  in  uno:  sed  peraeque  iniustitiam  odit,  ubicunque  inventa  fuerit.  Semper  enim  tenendum  est  illud  inter  Deum  et  homines  discrimen,  quod  homines  quidem  inaequaliter  iudicant:  Deus  autem  perpetuum  iudicando  tenorem  servat.  Nam  quod  electis  peccata  condonat,  id  fit  quod  ea  per  poenitentiam  et  fidem  abolet.  Itaque  non  aliter  reconciliat  nos  sibi,  quam  dum  nos  iustificat.  Donec  enim  sublatum  fuerit  peccatum,  manet  semper  inter  nos  et  illum  dissidii  materia.  Quod  ad  a  n  g  e  l  o  s  spectat,  argumentum  est  a  maiori  ad  minus.  Nam  quum  longe  praestan-