35:461  461  IOB  CHAP.  XL.  462  beste,  combien  que  le  nombre  soit  pluriel:  mais  pource  que  Dieu  a  voulu  ici  designer  une  espece,  voila  pourquoy  il  met  en  nombre  pluriel  Behemoth,  Cependant  on  ne  peut  pas  deviner  quelle  espece  il  touche,  sinon  que  ce  soit  un  elephant  a  cause  de  la  grosse  masse  de  corps  qui  est  en  ceste  beste-la.  Or  qu'il  ne  parle  point  icy  '  ni  des  boeufs  ni  des  chevaux,  ni  des  choses  semblables,  il  appert:  car  il  est  dit,  Que  voicy  Behemoth  qui  mange  le  foin  comme  un  boeuf.  Dieu  donc  dinstingue  notamment  entre  l'espece  des  bestes  dont  il  parle  et  les  boeufs.  Et  ainsi  sans  travailler  beaucoup,  notons  que  Dieu  a  choisi  en  ce  passage  une  espece  de  beste  dont  nous  devons  estre  esbahis  sur  tout.  Voila  un  elephant  qui  a  un  corps  si  robuste,  qu'il  est  dit,  Que  ses  os  sont  comme  d'airain,  et  ses  petits  os,  ou  ses  cartilages,  qu'on  appelle,  sont  comme  des  barres  de  fer:  car  c'est  une  chose  incroyable  a  nous  qui  n'y  sommes  point  accoutumez:  mais  ceux  qui  voyent  ces  bestes-la  doivent  estre  effrayez  d'un  seul  regard:  ii  semble  que  ce  soit  une  chose  faite  par  artifice,  veu  que  la  grandeur  est  telle.  Or  si  nous  estions  bien  sages,  il  ne  faudroit  point  sortir  hors  de  nous  pour  contempler  la  maieste  de  Dieu:  mais  il  faut  que  les  hommes  soyent  renvoyez  aux  bestes  a  cause  de  leur  ingratitude,  quand  ils  ne  cognoissent  point  Dieu  selon  qu'il  se  declare  en  eux.  Il  faut  donc  a  cause  de  nostre  stupidite  et  ingratitude  que  nous  ayons  de  tels  miroirs  comme  ils  nous  sont  icy  proposez  quant  aux  elephans,  et  quant  aux  bestes  semblables.  Voyonsnous  donc  que  Dieu  a  cree  ces  bestes-la  en  telle  grandeur  et  en  telle  forme?  Encores  que  nous  n'eussions  nulle  autre  enseigne  de  sa  vertu  :  si  est-ce  que  nous  avons  bien  occasion  de  baisser  la  teste,  et  d'adorer  ceste  haute  maieste  qui  se  declare  en  ces  bestes  sauvages-la.  Et  notamment  il  est  dit,  Que  ces  elephans  sont  crees  avec  nouc:  afin  de  nous  monstrer  comme  Dieu  a  discerne  selon  qu'il  a  voulu,  et  a  constitue  un  ordre  admirable  au  monde,  qu'il  faut  bien  que  les  hommes  soyent  ravis  en  estonnement  quand  ils  y  pensent:  voire,  s'ils  ont  ceste  discretion  en  eux  de  regarder  ce  qui  leur  est  tout  patent.  Voila  un  homme  qui  aura  un  petit  corps:  et  toutes  fois  il  est  constitue  seigneur  et  maistre  en  ce  monde.  Pourquoy  toutes  choses  sont  elles  creees,  sinon  pour  nostre  usage?  Et  nous  voyons  un  elephant  qui  est  plus  robuste  beaucoup,  nous  voyons  qu'il  ne  faut  sinon  un  coup  de  iambe  pour  renverser  une  com-