32:461  461  SERMON  SUE  LA  PSEAUME  CXV.  462  les  autres.  Si  un  membre  souffre,  nous  en  devons  tous  avoir  compassion.  Or  maintenant  nous  voyons  qu'il  n'est  point  question  d'un  membre:  toute  l'Eglise  est  en  dispersion  :  icy  une  poignie,  la  une  autre,  nous  avons  tous  un  mesme  Evangile,  nous  sommes  environnez  d'ennemis.  Devons  nous  nous  separer?  devons  nous  dire,  ceux  la  sont  loing  de  nous?  nenny.  Ilz  sont  de  l'Eglise,  et  nous  sommes  ses  membres,  puis  que  nous  avons  un  mesme  Pere  au  ciel,  que  nous  ayons  une  fraternite  tous  ensemble,  voire  qui  soit.  plus  que  fraternelle.  Pensons  que  ce  qui  advient  a  un  membre  de  l'Eglise,  que  cela  est  a  nous.  Voila  les  troubles  par  tout,  si  on  regarde  les  hommes,  on  sait  que  c'est  de  guerre,  nous  devons  avoir  horreur  quand  il  se  fait  effusion  de  sang.  Les  iniques  sont  en  rage,  ilz  sont  possedez  du  diable,  lequel  se  delecte  en  meurtre.  Que  faut  il  attendre?  Nous  ne  devrions  point  estre  ainsi  nonchallans.  Voicy  le  temps  de  requerir  Dieu.  On  devroit  oublier  toutes  autres  affaires,  nous  ne  pouvons  pas  les  ayder  de  noz  mains:  mais  nous  devrions  invoquer  Dieu  pour  eux,  comme  pour  nous:  la  condition  de  l'Eglise  n'est  pas  pour  un  membre.  D'avantage,  craignons  qu'en  brief  temps  les  esclatz  ne  volent  sus  noz  testes.  Si  nous  n'avons  compassion  des  autres,  quand  nous  crierons  ce  sera  en  vain,  et  ce  sera  bien  raison  que  nostre  Seigneur  nous  rende  la  pareille,  que  nous  ayons  une  semblable  mesure  dont  nous  aurons  use  envers  les  autres.  Or  tant  y  a  qu'il  nous  faut  adviser  d'invoquer  Dieu  autrement  que  nous  n'avons  fait  iusqu'a  present.  Ce  iour  icy  est  institue  pour  faire  les  prieres.  Donc  que  nous  soyons  plus  diligens  que  de  coustume,  non  seulement  pour  nous  venir  presenter,  mais  que  nous  soyons  touchez  pour  nous  humilier  devant  nostre  Dieu,  le  prians  qu'il  convertisse  noz  cueurs,  et  change  nostre  vie,  qu'il  ne  permette  point  que  sa  povre  Eglise  soit  exposee  a  la  fureur  des  meschans,  ce  qui  pourroit  advenir  s'il  n'y  mettoit  ordre.  Ie  viens  a  ce  propos,  c'est  que  nous  avons  deservy  que  Dieu  nous  destruise.  Quand  une  guerre  est  esmeue,  on  ne  sait  quelle  sera  la  fin,  quand  une  espee  est  tiree,  on  ne  sait  quand  elle  sera  remise  dans  la  gaine.  C'est  le  diable  qui  pousse  noz  ennemis,  u  ne  demande  sinon  a  devorer  les  povres  brebis  de  nostre  Seigneur.  Nous  pourrions  bien  tost  estre  esperdus  si  nous  n'estions  en  la  protection  d'un  si  bon  pasteur.  Gardons  nous  de  nous  fier  au  bras  charnel.  Quand  nous  aurions  la  prudence  et  la  faveur  de  tout  le  monde,  gardons  nous  d'avoir  la  quelque  presumption,  disons  tousiours,  comme  nous  avons  veu  au  Pseaume  20.  33:  Les  iniques,  les  infideles  se  confieront  en  leurs  chariotz  et  chevaux,  en  leurs  lances  et  espees,  mais  nous  esperons  au  nom  du  Seigneur  nostre  Dieu,