7:460  tiosis  :  neminem  exstitisse  unquam,  qui  legi  Dei  satisfecerit,  nec  ullum  posse  inveniri.  Quid  enim?  An  spiritum  sanctum  arguemus  mendacii,  qui  universos,  non  unius  tantum  saeculi  homines,  transgressionis  reos  peragit,  sed  quotquot  usque  in  finem  mundi  futuri  sunt?  Non  est  homo  super  terram,  inquit  Solomo,  qui  non  peccet  (1  Reg.  8,  46).  Dixerat  autem  David:  Non  iustificabitur  in  conspectu  tuo  ullus  viventium  (Psal.  143,  2).  Si  possibile  est  aliquem  inveniri,  qui  legem  impleat,  retractet  spiritus  sanctus  haec  oracula.  Sed  absit,  ut  diabolica  hominum  superbia  [pag.  200]  aeternum  veritatis  autorem  faciat  mendacem.  Quin  etiam  evanesceret  illud  Pauli  argumentum.  Scriptum  est  :  Maledictus  omnis  qui  non  permanserit  in  omnibus  quae  scripta  sunt  (Gal.  3,  10).  Ergo  quicunque  sunt  sub  lege*  maledictioni  sunt  obnoxii.  Promptum  enim  erit  excipere,  legem  posse  impleri.  Sed  apostolus  pro  confesso  principio  sumit,  quod  anathemate  isti  damnant.  Itaque  alibi,  quum  servitutem  deplorat,  qua  ipse  cum  sanctis  omnibus  premebatur,  non  aliud  remedium  tandem  invenit,  nisi  ut  liberetur  a  corpore  (Rom.  7,  24).  Vexabant  etiam  Augustinum  hac  calumnia  Pelagiani.  Fatetur  Deum,  si  velit,  posse  quidem  homines  ad  tantam  perfectionem  evehere:  sed  neque  fecisse  unquam,  nec  facturum,  quia  aliter  scripturae  doceant.  Ego  autem  ulterius  progredior,  ac  impossibile  esse  assero,  quod  scripturae  nunquam  futurum  pronunciant.  Quanquam,  si  de  loquutione  agitur,  ea  quoque  expressa  est  a  Petro,  Actorum  15  (v.  10)  quum  legem  iugum  appellat,  quod  nullus  patrum  ferre  potuerit.  Fallitur  enim  qui  putat,  ad  caeremonias  tantum  hoc  spectare.  Quid  enim  tam  arduum  continebant  caeremoniae,  ut  omnes  humanae  vires  sub  earum  onere  deficerent?  Sed  procul  dubio  significat,  impares  fuisse  ab  initio  universos  mortales  legis  observationi,  hodieque  esse:  ideo  nihil  restare,  nisi  ut  confugiamus  [pag.  201J  ad  Christi  gratiam,  quae,  soluto  legis  iugo,  sub  libera  custodia  quodammodo  nos  continet.l)  Ac  notandum,  de  regeneratis  ipsum  loqui:  ne  cavillentur  Tridentini  patres,  de  carnis  infirmitate  id  esse  dictum,  ubi  abest  auxilium  spiritus.2)  Prophetas  enim,  et  patriarchas,  et  pios  reges,  utcunque  Dei  spiritu  adiuvarentur,  ferendo  legis  iugo  pares  fuisse  negat:  nec  ambigue  pronunciat,  impossibilem  fuisse  legis  observationem.  At  scripturam  ipsi  quoque  ex  adverso  testem  producunt.  Nam  Ioannes  mandata  eius  non  esse  gravia  tradit  (1  Ioann.  5,  3).  Fateor:  modo  ne  illam  de  peccatorum  remissione  doctrinam  excludas,  quam  omnibus  mandatis  praeponit.  Nam,  si  grave  1)  nous  conduit  plus  liberalement.  2)  que  cela  est  dit  de  ceux  qui  sont  du  tout  charnelz  (caett.  om.).