55:460  bent  pii  ut  clandestinas  quoque  eorum  fraudes  effugiant.  Utcunque  enim  se  insinuent,  non  tamen  poterunt  sedulo  attentos  circumvenire.  S  e  c  t  a  s  exitiosas  dicit,  ut  quantam  quisque  curam  salutis  suae  habet,  sectas  istas,  tanquam  maxime  noxias  pestes  exhorreat*  Quod  pertinet  ad  ipsum  sectarum  vel  haereseos  nomen,  non  abs  re  semper  infame  et  exosum  fuit  inter  Dei  filios.  Vinculum  enim  sanctae  unitatis  simplex  est  Dei  veritas:  simul  atque  ab  ea  disceditur,  nihil  aliud  restat  quam  horrenda  dissipatio.  Etiam  Dominum  qui  illos  redemit  Tametsi  variis  modis  abnegatur  Christus,  eum  tamen  hic  (meo  iudicio)  attingit  Petrus,  qui  exprimitur  apud  Iudam:  nempe  dum  gratia  Dei  in  lasciviam  con*  vertitur.  Redemit  enim  nos  Christus,  ut  populum  haberet  segregatum  ab  omnibus  mundi  inquinamentis,  addictum  sanctitati  et  innocentiae.  Qui  igitur  excusso  fraeno  in  omnem  licentiam  se  proiiciunt,  .  non  immerito  dicuntur  Christum  abnegare  a  quo  redempti  sunt.  Proinde  ut  salva  et  integra  evangelii  doctrina  apud  nos  maneat,  hoc  animis  nostris  infixum  sit,  redemptos  esse  nos  a  Christo,  ut  vitae  simul  et  mortis  nostrae  sit  Dominus:  itaque  nobis  hunc  finem  esse  propositum,  ut  illi  vivamus  ac  moriamur.  Iterum  celerem  illis  interitum  in��  stare  dicit,  ne  alii  se  illis  implicent.  2.  Et  multi  sequentur.  Hoo  vero  non  leve  est  scandalum  infirmis,  quum  vident  communi  mundi  applausu  excipi  falsas  doctrinas,  et  ingentem  hominum  numerum  abripi,  ita  ut  pauci  in  pura  Christi  obedientia  maneant.  Sic  hodie  nihil  est  quod  vehementius  turbet  pias  mentes  quam  talis  defectio.  Vix  enim  decimus  quisque  eorum,  qui  Christo  nomen  dederunt,  fidei  puritatem  ad  extremum  usque  retinet:  omnes  fere  ad  corruptelas  degenerant,  atque  a  magistris  licentiae  delusi,  profanescunt.  Ne  hoc  fidem  nostram  labefactet,  occurret  Petrus,  et  mature  praedicit  hoc  ipsum  fore  ut  impii  doctores  multos  trahant  in  exitium.  Porro  hic  duplex  est  lectio,  etiam  apud  Graecos.  Alii  enim  lascivias,  alii  exitia  legunt:  sequutus  sum  tamen  quod  magis  receptum  erat.  Per  quos  via  veritatis.  Hoc  ideo  dictum  esse  interpretor,  quia  sicuti  ornatur  religio  dum  instituuntur  homines  ad  timorem  Dei,  vitae  probitatem,  castos  mores  ac  honestos,  vel  saltem  os  improbis  obstruitur,  ne  evangelio  maledicant:  ita  quum  fraena  impune  laxantur  ad  omnem  lasciviam,  exponitur  Christi  nomen  et  doctrina  impiorum  contumeliis.  Alii  diversum  sensum  afferunt,  quod  falsi  isti  doctores,  tanquam  impuri  canes,  oblatraturi  sint  sanae  doctrinae.  Sed  mihi  hoc  potius  significant  Petri  verba,  daturos  occasionem  hostibus,  ut  Dei  veritati  proterve  insultent.  Utcunque  ergo  noa