9:46  quem  adeo  non  mitigavit  temperata  illa  ad  concordiam  doctrinae  simplicitas,  ut  nomen  Consensus  instar  furialis  taedae1)  ad  renovandum  incendium  arripuerit.  Nam  ex  professo  sententias,  ut  ipse  quidem  videri  vult,  pugnantes,  undique  collegit,  quibus  Consensum  nostrum  dissiparet,  tantoque  pacis  odio  se  flagrare  prodidit,  ut  praecipuum  suum  virus,  non  alia  de  causa  in  nos  evomeret,  nisi  quia  aegre  ferebat  nos  idem  sentire  et  loqui.  Scribit  libros  meos  sectae  suae  hominibus,  quo  tempore  ab  ecclesiae  Tigurinae  doctoribus  discrepare  me  putabant,  in  pretio  et  delitiis  fuisse.  Unde  nunc  subita  alienatio?  An  quod  a  sententia  discesserim?  Atqui  ne  ipse  quidem  dissimulat,  imo  in  margine  libri  sui  ascripsit,  quidquid  Consensus  noster  continet,  passim  in  scriptis  meis  occurrere.  Quis  iam  non  videt  tam  implacabile  in  homines,  quibus  semel  bellum  indixit,  esse  hominis  odium,  ut  eandem  cui  ante  favebat  doctrinam  nunc  hostiliter  impugnet,  ne  quid  illis  affine  habeat?  Excusat  quidem  alicubi,  se  non  nisi  fucatae  concordiae  esse  inimicum.  Sed  qui  fit,  ut  quam  antehac  doctrinam  placide  in  scriptis  meis  legebat,  nunc,  ubi  a  Tigurinis  profecta  est,  duriter2)  aversetur?  Certe  utcunque  ulcus  tegat,  non  aliunde  impulsus  fuit,  nisi  quia  inflexibilem  quorundam  pervicaciam  novo  praesidio  munire  voluit,  ne  apertae  veritati  cederet.  Perversam  hanc  hominis  insectationem  brevi  scripto  refutare  coactus  sum.3)  Ille  ac  si  inexpiabile  facinus  admissum  foret,  multo  intemperantius  excanduit.  Nunc  eius  insolentiam  retundere  mihi  necesse  fuit.  Sicubi  vehementius4)  1)  a  l'estourdie.  2)  si  rudement  et  d'une  facon  estrange.  3)  Innuit  libellum  cui  titulus  est:  Defensio  sanae  et  orthodoxae  doctrinae  de  sacramentis.  4)  un  peu  rudement  et  usant  de  termes  aspres.