8:46  perrumpunt,  religiones  omnes  ex  hominum  cerebro  natas  esse:  Deum  esse,  quia  sic  credere  libeat:  futurae  vitae  spem  lactandis  simplicibus  inventam  esse:  metum  iudicii  puerile  esse  terriculamentum.  Hae  quidem  Sirenum  voces  deliniendis  multorum  auribus  nimis  sunt  appositae:  sed  quas  iam  suus  pruritus  titillat.  Nam  quosdam  videmus  adeo  cupide  quae  ad  tollendum  pietatis  sensum  faciunt  captare  et  venari,  ut  vixdum  percepto  paucorum  verborum  sonitu,  repente  ab  aeterna  et  inflexibili  Dei  veritate  desciscant.  Et  sane,  quisquis  vel  modice  in  scripturis  sacris  versatus  erit,  longe  alibi  quam  in  opinione  fundatam  esse  fidem  nostram  expertus,  non  ita  facile  nutabit.  Qui  vero  insculptum  in  [pag.  56]  cordibus  spiritus  sigillum  gerunt,  multum  abest  quin  machinis  istis  impetiti  concidant.  Sed  hoc  est  scilicet  quod  dicit  Paulus  (1  Tim.  1,  19),  naufragium  facere  homines  in  fide,  postquam  a  bona  conscientia  exciderunt.  Quo  significat  et  hanc  esse  rectae  intelligentiae  custodem  :  *)  nec  mirum  esse  si  nihil  firmum  habeant,  qui  inter  varias  cupiditatum  procellas  fluctuantur.  Itaque  non  est  quod  nos  turbet  atheismus,  qui  nunc  quum  in  toto  mundo  passim  grassatur,  tum  vero  in  regum  et  principum  aulis,  in  tribunalibus,  in  splendidis  aliis  vitae  generibus  2)  praecipue  regnat.  Nam  si  rerum  peritos  interrogem,  adeoque  eos  ipsos,  qui  se  expedire  ab  hac  tentatione  nequeunt,  quotusquisque  illic  bonae  conscientiae  hospitium  concedat:  in  promptu  erit  responsum,  eam  procul  exsulare.  Quid  ergo  miramur  illud  fidei  naufragium,  quod  Paulus  necessario  sequi  docet?  Porro,  si  tam  sedulo  reconditam  in  arcis  pecuniam  servant,  quotquot  aliquo  eius  amore  tanguntur:  qui  nullo  timoris  Dei  praesidio  munitus,  ultro  se  in  praedam  exponit,  quid  excusationis  obtendet,  si  coelesti  fidei  thesauro  spoliatur?  Praesertim  quum  nihil  tam  exitiale  esse  noverimus,  quam  istas  impiorum  tendiculas.  Neque  enim  quod  ab  illis  instat  periculum,  extenuare  in  animo  est:  quin  potius  moneo  et  testificor,  nullos  tam  esse  veneficos  serpentum  afflatus.  Verum  eo  magis  ad  cavendum  vigilantes  ac  sollicitos  esse  nos  decebat.  Interea  ab  hac  quamvis  pestifera  contagione  immunes  fore  dico  quicunque  solidas  in  Christo  radices  agere  non  neglexerint.  Neque  vero  hoc  meum,  sed  Pauli  dictum  est  (Ephes.  4,  13):  Crescendum  esse  in  Christi  notitia,  donec  adolescamus  in  virum  perfectum:  ne  simus  amplius  obnoxii  hominum  versutiae,  qui  nos  circumvenire  tentant.  Simul  tamen  altera  Pauli  exhortatio  audienda  (2  Cor.  ll,  3):  quando  hac  lege  desponsi  sumus  filio  Dei,  ut  [pag.  57]  1)  le  seul  estuy  ou  coffre  pour  garder  le  thresor  de  foy.  2)  aux  cours  des  rois  et  des  princes,  entre  gens  de  iustice,  protonotaires  et  autres  de  bonnet  rond,  entre  les  gentilshommes,  thresoriers  et  gros  marchans.