58:46  grande.  Car  outre  la.  generalite  du  monde,  en  l'eglise  on  voit  le  semblable:  C'est,  que  quand  l'Evangile  se  presche  a  tout  un  peuple,  il  y  en  a  beaucoup  d'ypocrites,  les  autres  sont  rebelles,  les  autres  sont  abrutis  du  tout,  tellement  que  bien  peu  profitent  en  ceste  escole,  combien  que  Dieu  convie  sans  exception  tous  ceux  ausquelz  on  parle,  et  sur  tout  on  en  verra  beaucoup,  qui  par  mespris  et  ingratitude  se  fermeront  la  porte  de  salut,  et  reietteront  les  graces  de  Dieu,  et  non  seulement  cela,  mais  on  les  verra  ennemis  mortels  de  la  doctrine,  combien  qu'ils  soient  comme  domestiques.  Et  de-fait,  le  Prophete  Isaie  aiant  dit  que  Dieu  recueilliroit  son  Eglise  de  tout  le  monde,  et  qu'il  y  auroit  un  si  grand  peuple  que  merveilles,  au  lieu  de  s'esiouir,  tantost  apres  il  adiouste,  Helas,  mes  entrailles.  Or  par  cela  il  monstre,  que  quand  il  semblera  que  tout  doive  fleurir  et  prosperer,  et  que  Dieu  doive  estre  glorifie  et  de  grans  et  de  petis,  et  que  l'enseigne  soit  desploiee,  pour  assembler  tout  le  monde,  afin  que  d'un  commun  accord  on  serve  a  Dieu:  alors  il  se  descouvre  un  mal  secret.  Car  le  Prophete  ne  crie  pas,  Helas,  les  mains,  Helas,  les  iambes  :  mais  il  crie,  Helas,  mes  entrailles  :  comme  s'il  disoit,  que  ce  mal-la  est  tellement  enracine  en  l'Eglise,  qu'il  faut  qu'elle  soit  comme  meslee  de  gens  tant  divers,  qu'elle  nourrisse  en  son  ventre  ses  propres  ennemis:  comme  nous  en  voions  la  figure  en  Rebecca.  Or,  qu'est-il  de  faire  la  dessus?  Chacun  voit,  que  si  nous  entrions  en  telles  fantasies,  nous  n'en  pourrions  pas  avoir  aucune  resolution,  et  que  le  diable  viendroit  s'entrelacer  parmi,  afin  de  nous  faire  blasphemer  contre  Dieu,  ou  nous  mettre  au  coeur  une  telle  amertume,  que  nous  voudrions  estre  plustost  des  troncs  de  bois,  que  des  creatures  raisonnables,  et  formees  a  l'image  de  Dieu:  comme  nous  en  voions  l'experience  en  beaucoup  de  gens,  qui  devienent  comme  enragez  et  forcenez  a  l'encontre  de  Dieu,  d'autant  qu'ils  ne  se  peuvent  pas  depescher  de  telles  difficultez  et  scrupules.  Il  est  donc  besoin  de  cercher  le  remede.  Or  il  est  vray  que  nous  ne  pouvons  pas  nous  exempter  pleinement  de  toutes  passions,  que  de  prime  face,  et  comme  de  quelque  bouffee,  nous  ne  soions  esmeus  pour  estre  troublez,  et  que  noz  pensees  ne  s'esgarent,  que  nous  ne  concevions  beaucoup  de  choses  a  la  volee,  et  que  nous  n'aions  beaucoup  de  disputes  d'un  coste  et  d'autre,  que  nous  ne  soions,  bref,  agitez,  comme  s'il  y  avoit  quelque  tempeste  et  quelque  tourbillon,  qui  nous  proumenast.  Nous  ne  pouvons  pas  avoir  nos  esprits  du  tout  reposez,  ne  si  bien  reiglez,  qu'il  n'y  46