56:46  empesche  le  fruict  du  ventre?  3.  Et  elle  dit,  Voici  ma  chambriere  Bala,  entre  a  elle,  et  elle  enfantera  sur  mes  genoux:  et  ie  seray  edifiee  de  par  elle.  4.  Elle  luy  donna  donc  Bala  sa  chambriere  a  femme.  Et  Iacob  entra  a  elle.  5.  Laquelle  conceut  et  enfanta  un  fils  a.  Iacob.  6.  Lors  Rachel  dit,  Dieu  m'a  iugee,  et  a  aussi  exauce  ma  voix,  et  m'a  donne  un  fils:  pourtant  appela  son  nom  Dan.  7.  Puis  Bala  chambriere  de  Rachel  conceut  encore,  et  enfanta  le  second  fils  a  Iacob.  8.  Lors  Rachel  dit,  I'ay  iouste  d'une  iouste  excellente  contre  ma  seur,  dont  i'ay  eu  victoire:  et  appela  son  nom  Nephthali.  9.  Adonc  Lea  voyant  qu'elle  avoit  cesse  d'enfanter,  preint  Zilpha  sa  chambriere,  et  la  donna  a  Iacob  pour  femme.  10.  Et  Zilpha  chambriere  de  Lea  enfanta  un  fils  a  Iacob.  l  l  .  Alors  Lea  dit,  C'est  en  bende  *):  et  appela  son  nom  Grad.  12.  Derechef  Zilpha  chambriere  de  Lea  enfanta  le  second  fils  a.  Iacob.  13.  Lors  Lea  dit,  C'est  pour  ma  beatitude:  car  les  filles  me  diront  Bienheureuse  2)  :  et  appela  son  nom  Aser.  14.  Et  Ruben  s'en  alla  au  temps  de  la  moisson  des  blez,  et  trouva  des  mandragores  au  champ,  et  les  apporta  a  Lea  sa  mere.  Lors  Rachel  dit  a  Lea:  donne-moy,  ie  te  prie,  des  mandragores  de  ton  fils.  15.  Et  elle  luy  respondit,  Te  semble-il  peu  de  chose  de  ce  que  tu  as  usurpe  mon  mari,  si  aussi  tu  ne  prens  les  mandragores  de  mon  fils?  Et  Rachel  dit,  Qu'il  dorme  donc  ceste  nuit  avec  toy  pour  les  mandragores  de  ton  fils.  16.  Et  quand  Iacob  reveint  au  vespre  des  champs,  Lea  sortant  au  devant  luy  dit,  Tu  entreras  a  moy:  Car  ie  t'ay  loue  de  marche  fait3)  pour  les  mandragores  de  mon  fils:  et  dormit  avec  elle  ceste  nuit  la.  17.  Et  Dieu  exauca  Lea,  et  elle  conceut,  et  enfanta  a  Iacob  le  cinquieme  fils.  18.  Lors  elle  dit,  Dieu  m'a  donne  mon  loyer,  pource  que  i'ay  donne  ma  chambriere  a  mon  mari:  et  appela  son  nom  Issachar.  19.  Puis  Lea  conceut,  et  enfanta  k  Iacob  le  sixieme  fils.  20.  Lors  Lea  dit,  Dieu  m'a  douee  d'un  bon  douaire:  a  ceste  fois  mon  mari  me  hantera,  car  ie  luy  ay  engendre  six  enfans.  Et  appela  son  nom  Zabulon.  21.  Puis  apres  engendra  une  fille,  et  appela  son  nom  Dina.  22.  Et  Dieu  eut  souvenance  de  Rachel,  et  l'exauca,  et  ouvrit  sa  matrice.  23.  Lors  elle  conceut  et  enfanta  un  fils:  et  dit,  Dieu  m'a  oste  mon  opprobre.  24.  Et  appela  son  fils  Ioseph,  disant,  l'Eternel  m'adioustera  un  autre  fils.  25.  Or  apres  que  Rachel  eut  enfante  Ioseph:  Iacob  dit  a  Laban,  Renvoye-moy,  et  ie  m'en  retourneray  en  mon  lieu  et  en  mon  pays.  26.  Baille-moy  mes  femmes  et  mes  enfans,  pour  lesquels  ie  t'ay  servi,  et  ie  m'en  *)  A  la  bonne  heure.  O.  46.  Le  capitaine  est  venu  59.  2)  heureuse  46.  3)  en  marchandant  O.  46.  54.  en  donnant  les  m.  59.