53:46  mais  il  les  faut  tenir  comme  determinations  telles,  qu'il  ne  soit  point  licite  de  se  rebecquer  a  l'encontre.  Et  comment  est-ce  qu'ils  prouvent  tout  cela?  Ho  c'est  bien  assez  qu'ils  l'ayent  cuide.  Nous  voyons  donc  que  Satan  s'est  maintenu  en  ceste  possession-  la,  d'endurcir  les  hommes  en  telle  audace  et  impudence,  qu'ils  sont  beaucoup  plus  hardis  a  affermer  ce  qu'ils  n'ont  iamais  cognu,  que  s'ils  avoyent  bon  tesmoignage  de  Dieu  et  de  sa  verite.  Or  de  nostre  part,  nous  avons  a  recueillir  de  ce  passage  de  sainct  Paul,  de  n'estre  point  scandalisez  quand  nous  voyons  les  hommes  s'ingerer  ainsi,  et  prendre  un  tel  avantage  au  preiudice  de  Dieu:  que  nous  n'en  soyons  point  troublez,  car  ce  n'est  pas  de  maintenant  que  cela  commence.  Que  faut-il  donc?  Advisons  de  nostre  part  d'avoir  ceste  modestie  et  humilite,  que  nous  escoutions,  et  que  nous  soyons  tardifs  a  prononcer:  mais  quand  nous  aurons  este  enseignez  de  Dieu,  qu'alors  nous  ayons  la  bouche  ouverte  pour  faire  confession  de  nostre  foy,  mais  qu'il  n'eschappe  point  un  seul  mot  de  nostre  bouche  qu'il  ne  soit  bien  resolu  en  nostre  coeur.  Et  comment?  Non  pas  pour  le  cuider,  et  sous  ombre  que  nous  l'aurons  ouy  dire:  mais  scachans  bien  que  nous  le  tenons  de  Dieu.  Yoila  que  nous  avons  a  faire.  Et  au  reste,  que  tout  ce  qu'on  nous  aifermera,  nous  le  tenions  pour  frivole,  iusques  a  tant  qu'il  y  ait  approbation  de  la  parole  de  Dieu.  Nous  cuiderons  beaucoup  faire  en  tenant  pour  articles  de  foy  ce  qui  aura  este  mis  en  avant  par  les  hommes:  et  c'est  deroguer  a  l'authorite  de  Dieu,  et  le  despouiller  de  son  droict  qui  luy  appartient.  Et  voila  pourquoy  sainct  Paul  condamne  ceste  humilite  feinte,  au  passage  que  i'ay  allegue.  Comme  auiourd'huy  les  papistes  diront,  Et  comment?  fautil  qu'on  presume  d'aller  contre  la  determination  de  nostre  mere  saincte  Eglise?  Ils  ont  leurs  conciles,  ausquels  il  y  a  quelques  conventions  de  gros  asniers,  qui  ne  scauroyent  parler  une  seule  langue,  et  iamais  n'ont  leu  trois  fueillets  de  l'Escriture  saincte.  Toutesfois  ceux-la  pourront  conclure  ce  qu'ils  n'ont  iamais  pense.  Les  papistes  auiourd'huy  font  une  grande  bravade  de  cela.  Mon  Dieu!  comme  ils  nous  condamnent  de  presomption,  pource  que  nous  ne  voulons  point  exposer  ainsi  nostre  foy  a  la  volee  :  mais  que  nous  la  voulons  reserver  a  Dieu,  afin  que  la  obeissance  qui  luy  est  deue,  luy  soit  rendue.  Comme  donc  les  papistes  nous  condamnent  en  cela  d'arrogance,  cognoissons  que  leur  humilite  est  diabolique,  quand  pretendans  d'obeir  a  Dieu,  ils  font  une  revolte  manifeste  contre  nostre  Seigneur  Iesus  Christ:  d'autant  que  c'est  celuy  qui  doit  avoir  pleine  authorite  sur  nous,  et  non  point  les  hommes,  comme  desia  il  a  este  declare.  Yoila  ce  que  nous  avons  ici  a  retenir.