52:46  batur  quod  a  sanctae  memoriae  viro  Capitone  aliquando  accepi,  nomen  inde  habuisse  quod  pollere  se  iactarent  dono  interpretandae  scripturae.  BHO  enim  Hebraeis  est  interpretatio.  Quum  alii  se  literales  esse  profiterentur,  hi  se  malebant  censeri  Pharisaeos,  qui  veterum  interpretationes  tenerent.  Et  certe  constat  eos  antiquitatis  praetextu  totam  scripturam  suis  commentis  adulterasse.  Qui  tamen  simul  sanas  quasdam  interpretationes  per  manus  veterum  traditas  retinuerant,  summus  illis  honor  deferebatur.  Sed  quid  sibi  vult  particula  secundum  legem?  Nam  certe  nihil  legi  Dei  magis  adversum,  quam  sectae.  Una  enim  illic  Dei  veritas  traditur,  quae  vinculum  est  unitatis.  Deinde  sectas  omnes  sub  Ionathae  pontificatu  exortas  esse,  testis  est  Iosephus,  libro  Antiq.  13.  Legis  nomine  improprie  mitur  Paulus  pro  religionis  doctrina,  utcumque  corruptissima  esset  eo  tempore:  qualis  est  hodie  christianismus  in  papatu.  Sed  quia  multi  erant  ex  ordine  doctorum  minus  periti  et  exercitati,  fervoris  quoque  sui  facit  mentionem.  Fuit  quidem  hoc  gravissimum  peccatum  in  Paulo,  ecclesiam  persequi.  Sed  quia  disceptationem  habebat  cum  nebulonibus,  qui  Christum  miscendo  cum  Mose  legis  zelum  obtendebant:  exadverso  commemorat  se  tam  acrem  fuisse  zelotem  legis,  ut  ob  hanc  causam  esset  ecclesiae  persequutor.  6.  Secundum  iustitiam,  quae  est  in  lege.  Dubium  non  est  quin  hic  totam  iustitiam  legis  intelligat.  Nam  de  solis  caeremoniis  accipere,  nimia  est  ieiunum.  Sensus  itaque  generalior  est,  quod  vitae  integritatem  coluerit,  quae  ab  homine  legis  studioso  requiri  poterat.  Rursus  obiicitur,  iustitiam  legis  perfectam  esse  coram  Deo.  Summa  enim  est,  ut  homines  Deo  plene  adhaereant.  Et  quid  ultra  ad  perfectionem  desiderari  potest?  Respondeo,  Paulum  hic  de  iustitia  loqui,  quae  communi  hominum  existimationi  satisfaceret.  Legem  enim  separat  a  Christo.  Quid  autem  lex  sine  Christo,  nisi  mortua  litera?  Ut  res  clarius  pateat,  dico  esse  duplicem  iustitiam  legis.  Una  est  spiritualis,  nempe  perfectus  amor  Dei  et  proximorum.  Ea  continetur  in  doctrina,  nunquam  in  vita  ullius  hominis  exstitit.  Altera  est  literalis,  quae  in  hominum  conspectu  apparet:  quum  interim  hypocrisis  regnet  in  corde,  et  coram  Deo  nihil  sit  quam  iniquitas.  Ita  lex  duos  habet  respectus:  unum  Dei,  alterum  hominum.  Erat  ergo  Paulus  hominum  iudicio  sanctus  et  immnnie  ab  omni  reprehensione.  Rara  sane  laus  et  prope  singularis.  Videamus  tamen  quanti  eam  fecerit.  7.  Verum  quae  mihi  lucra  erant,  ea  existimavi  propter  Christum  iacturam.  8.  Quin  etiam  omnia  existimo  iacturam  esse  propter  eminentiam  cognitionis  Christi  Iesu  Domini  mei:  propter  quem  omnium  iacturam  feci,  et  existimo  reiectamenta  esse,  ut  Christum  luerifaciam>  9.  et  inveniam  in  ipso:  non  habens  46