51:46  propos  a  ceux  qui  s'amusoyent  aux  ceremonies  de  la  Loy:  car  combien  qu'en  general  ils  dissent  qu'il  falloit  accomplir  ce  que  Dieu  avoit  commande  :  si  est-ce  que  la  Circoncision  et  les  ceremonies  leur  estoyent  sur  tout  en  recommandation.  Or  la  dessus  sainct  Paul  monstre  que  Dieu  nous  veut  occuper  en  choses  plus  grandes,  c'est  qu'un  chacun  bataille  vertueusement  contre  tant  de  choses  qui  nous  destournent  du  bon  chemin.  Or  maintenant  il  adiouste  a  l'opposite  que  les  fruicts  de  f  Esprit  sont  charite,  douceur,  humanit  ey  mansuetudo,  attrempance  et  choses  semblables.  Et  quand  tout  sera  ainsi  bien  reigle,  que  la  Loy  ne  dominera  plus  sur  nous:  car  nous  en  sommes  affranchis,  d'autant  que  nostre  Seigneur  Iesus  qui  nous  en  a  exemptez  nous  gouvernera.  Et  en  somme  il  tend  a  ce  but  que  les  Chrestiens  soyent  affranchis  de  la  servitude  de  la  Loy:  non  pas  tous  ceux  qui  ont  ce  mot  de  Chrestiente  en  la  bouche,  et  qui  s'en  vantent:  mais  ceux  qui  monstrent  par  effect  qu'ils  sont  membres  de  nostre  Seigneur  Iesus  Christ,  en  tant  qu'ils  sont  regenerez  par  son  Esprit:  car  il  faut  que  la  vie  responde  a  cela,  autrement  tout  ce  que  les  hommes  protesteront  ne  sera  rien,  et  mesmes  ils  seront  convaincus  de  mensonge,  sinon  qu'en  leurs  oeuvres  il  apparoisse,  que  c'est  en  verite  et  en  droiture  qu'ils  parlent.  Au  reste  quand  sainct  Paul  dit  que  toutes  vertus  et  tout  bien  et  toutes  choses  louables  sont  fruicts  de  l'Esprit:  par  cela  il  conferme  ce  que  desia  nous  avons  monstre  auparavant,  que  s'il  y  a  une  seule  goutte  de  bien  en  nous,  cela  n'est  point  de  nostre  creu,  et  que  nous  ne  pouvons  pas  en  usurper  la  louange  sans  faire  tort  et  iniure  a  Dieu:  car  ce  sont  autant  de  fruicts  de  sa  grace,  et  faut  qu'il  mette  tout  cela  en  nous  par  son  sainct  Esprit,