49:46  Dei  oculis  satisfieri,  quibus  nec  profundissima  cordis  arcana  sunt  abscondita.  Ita  rursum  hypocritas,  qui  se  falsis  persuasionibus  deliniunt,  retrahit  ad  Dei  tribunal  CAPUT  III.  1.  Quae  igitur  praerogativa  Iudaei,  aut  quae  utilitas  circumcisionis?  2.  Multa  per  omnem  modum.  Ac  primum  quidem,  quod  illis  credita  sunt  oracula  Dei.  Quamquam  egregie  disputavit  Paulus,  vacuam  circumcisionem  nihil  Iudaeis  conducere,  quando  tamen  infitiari  non  poterat  aliquod  inter  gentes  et  Iudaeos  esse  discrimen,  quod  eo  symbolo  esset  a  Domino  signatum:  eam  vero  distinctionem,  cuius  autor  erat  Deus,  inanem  et  nullius  momenti  facere  absurdum  erat  :  restabat  ut  hanc  obiectionem  quoque  expediret.  Constabat  quidem  ineptam  esse  gloriam,  quam  inde  Iudaei  captabant.  Haerebat  tamen  adhuc  scrupus  ille,  in  quem  finem  esset  a  Domino  instituta  circumcisio,  nisi  aliquo  fructu  esset  commendabilis.  Ergo  per  anthypophoram  interrogat,  quid  gentili  praestet  Iudaeus.  Ac  quaestionis  rationem  altera  interrogatione  subiicit,  quum  dicit:  Quae  utilitas  circumcisionis?  Nam  illa  Iudaeos  vulgari  sorte  hominum  eximebat:  sicuti  Paulus  caeremonias  maceriam  nominat,  quae  alios  ab  aliis  separabat  (Ephes.  2y  14).  2.  Multa  per  omnem  modum.  Id  est,  omnino  multa.  Hic  incipit  suam  sacramento  laudem  tribuere:  sed  cuius  gratia  Iudaeis  superbire  non  concedat.  Quum  enim  eos  circumcisionis  symbolo  insignitos  fuisse  tradit,  quo  filii  Dei  haberentur:  non  eos  fatetur  suo  aliquo  merito  aut  propria  dignitate  excelluisse,  sed  Dei  beneficiis.  Si  ergo  in  homines  respicitur,  pares  aliis  esse  demonstrat:  si  Dei  beneficia  considerentur,  in  illis  habere  docet  quo  sint  prae  aliis  populis  conspicui.  Primum  quia  illis  credita  sunt  Nonnulli  anapodotum  esse  putant:  quia  plus  proponat  quam  postea  explicet.  Mihi  autem  dictio  primum  non  esse  ordinis  nota  videtur,  sed  simpliciter  significat  praecipue  vel  praesertim,  hoc  sensu:  Etsi  unum  istud  esset,  quod  habent  Dei  oracula  sibi  commissa:  satis  valere  debet  ad  eorum  dignitatem.  Notatu  vero  dignum  est,  quod  circumcisionis  utilitas  non  locatur  in  nudo  signo,  sed  a  verbo  aestimatur.  Hic  certe  quaerit  Paulus,  quid  Iudaeis  conferat  sacramentum.  Respondet,  quia  Deus  coelestis  sapientiae  thesaurum  apud  eos  deposuerit.  Unde  sequitur,  remoto  verbo,  nihil  praestantiae  residuum  manere.  Oracula  vocat  foedus,  quod  Abrahae  primo,  eiusque  posteris  divinitus  revelatum,  postea  lege  et  prophetiis  consignatum  ac  explicatum  fuit.  Sunt  autem  commissa  illis  oracula,  ut  apud  se  consecrarent  quamdiu  suam  gloriam  inter  eos  continere  Domino  6*