44:46  lasciviunt,  quasi  in  speculo  contemplari  nos  decet  propinquam  eorum  ruinam,  qualis  praedicta  fuit  a  propheta.  Neque  enim  duntaxat  aetatis  suae  respectu  ita  loquutus  est,  sed  spiritu  prophetico  docere  voluit  quam  cara  sit  Deo  salus  ecclesiae  suae,  et  ita  non  dubium  est  quin  talis  futura  sit  impiorum  conditio  usque  ad  finem  mundi,  qualis  hic  describitur  Nineve,  quod  scilicet,  etiamsi  turgeant  ad  tempus,  si  omnia  sibi  contra  innoxios  permittant,  Deus  deiiciet  ipsorum  insolentiam,  et  compescet  crudelitatem:  nempe  ubi  tempus  advenerit.  Non  incipiam  hodie  tertium  caput,  quia  est  novum  argumentum.  CAPUT  UL  1.  Vae  pollutae  et  inquinatae,  urbi  direptrici  (vel  fraudatrici).  2.  Non  audivit  ad  vocem:  non  suscepit  disciplinam  (vel  correctionem)  in  Iehova  non  est  confisa,  ad  Deum  suum  non  appropinquavit.  Hic  rursus  concionatur  propheta  adversus  Ierosolymam:  quia  priore  loco  semper  oportuit  Iudaeos  severe  obiurgari,  quum  dediti  essent  multis  sceleribus.  Deinde  quia  semper  erat  illic  residuum  aliquod  semen,  oportuit  adiungi  consolationes.  Atque  hunc  ordinem  hactenus  vidimus  in  omnibus  prophetis.  Caeterum  memoria  etiam  tenendum  est,  libros  qui  nunc  exstant,  confectos  esse  ex  sermonibus  propheticis,  ut  possimus  intelligere  quaenam  fuerit  eius  doctrinae  summa.  Obiurgat  autem  hic  propheta  Iudaeos,  quod  polluti  essent  et  foedati:  et  Ierosolymam  alloquitur,  in  qua  erat  Sanctuarium:  ideoque  videri  poterat  excellere  prae  aliis  urbibus:  quoniam  non  frustra  Deus  illic  locum  sibi  elegerat,  ubi  invocaretur.  Sed  propheta  ostendit  quam  inanis  et  fallax  sit  illa  gloriatio  :  quia  urbs  quam  Deus  sibi  consecraverat,  se  inquinaverat  multis  sordibus.  Videtur  enim  alludere  propheta  ad  veteres  legis  ritus,  quos  scimus  multiplices  fuisse  praescriptos  a  Deo,  ut  populus  ille  coleret  munditiem.  Nam  caeremoniae  per  se  non  poterant  abluere  sordes:  sed  signis  illis  externis  admonebatur  populus  pure  et  sancte  colendum  esse  Deum.  Quum  ergo  sese  aqua  subinde  abluerent,  quum  etiam  sedulo  servarent  alios  sanctificationis  ritus,  propheta  deridet  hypocrisin,  quia  non  spectent  verum  finem  caeremoniarum.  Dicit  igitur  pollutos  esse,  etiamsi  in  speciem  poterant  censeri  purissimi:  quia  scilicet  tota  vita  sese  profanabant.  Adiungit  esse  urbem  rwn.  Vertunt  alii  urbem  columbae,  vel  columbam.  Nam  rw  significat  columbam.  Accipiunt  autem  metaphorice  pro  urbe  stulta  et  inconsiderata,  quemadmodum  vidimus  sexto  capite  Hoseae,  Ephraim  fuisse