33:46  prieres  et  requestes,  nous  sachions  que  nous  sommes  indignes,  sinon  que  nous  cognoissions  le  moyen  par  lequel  il  nous  recoit,  c'est  assavoir  de  nous  purger  par  la  foy  qui  est  en  nostre  Seigneur  Iesus  Christ,  sachans  qu'il  est  luy  seul  le  lavement,  duquel  toutes  nos  macules  peuvent  estre  nettoyees.  Voulons  nous  donc  estre  agreables  a  Dieu?  il  nous  y  faut  venir  par  le  moyen  de  nostre  Seigneur  Iesus  Christ,  lui  presentans  la  grace  qu'il  nous  a  acquise  par  sa  mort  et  passion  comme  il  est  la  perfection,  et  l'accomplissement,  des  choses,  qui  ont  este  donnees  anciennement  en  figure,  et  en  ombrage.  Or  nous  nous  prosternerons  devant  la  face  de  nostre  bon  Dieu  etc.  T  R  O  I  S  I  E  M  E  S  E  R  M  O  N  SUR  LE  I.  CHAPITRE.  Ce  sermon  est  encore  sur  le  texte  du  5.  verset  qui  a  este  mis  au  sermon  precedent,  comme  aussi  il  a  commence  a  estre  declare.  Nous  commencasmes  hier  a��  traitter,  que  veut  dire  ce  mot  que  Iob  sanctifioit  ses  enfans,  ou  leur  mandoit  qu'un  chacun  d'eux  se  sanctifiast.  Car  quand  sous  la  Loy,  et  auparavant  on  a  offert  sacrifices,  il  falloit  que  ceux  qui  les  offroyent  fussent  purifiez  auparavant,  et  cela  estoit  pour  les  advertir,  que  nous  ne  sommes  pas  dignes  d'approcher  de  Dieu  a  cause  de  nos  pollutions  et  ordures.  Si  nous  venons  a  Dieu  tels  que  nous  sommes,  nous  meritons  d'estre  reiettez,  et  que  nous  lui  soyons  comme  des  charongnes  puantes.  Ainsi  donc  nous  avons  a  nous  purifier.  Et  comment  cela  se  fera-il?  Les  Anciens  ont  eu  certaines  ceremonies,  comme  il  a  este  besoin  devant  la  venue  de  nostre  Seigneur  Iesus  Christ,  qu'il  y  eust  de  telles  aides  pour  la  rudesse  du  temps.  Auiourd'huy  nous  savons  qu'il  nous  faut  avoir  nostre  refuge  au  sang  precieux  du  Fils  de  Dieu,  qui  a  este  espandu  pour  nostre  lavement.  Il  nous  faut  donc  adresser  au  sang  de  nostre  Seigneur  Iesus  Christ,  si  nous  voulons  estre  receus  comme  nets  devant  Dieu.  Et  au  reste,  nous  avons  aussi  a  gemir  pour  nos  pechez.  Car  voila  comme  nous  en  serons  purgez,  c'est  que  si  nous  cognoissons  le  mal  qui  est  en  nous,  il  y  aura  quant  et  quant  une  tristesse,  et  une  haine,  de  ce  que  nous  aurons  este  si  malheureux  d'offenser  nostre  Dieu.  Voila  donc  comme  n'ayant  plus  les  figures  qui  ont  este  devant  la  venue  de  nostre  Seigneur  Iesus  Christ,  nous  retenons  encores  la  verite  et  substance.  Qu'est-il  donc  de  faire  toutes  fois  et  quantes  que  nous  avons  a  invoquer  Dieu?  C'est  qu'un  chacun  regarde  a.  ses  povretez,  et  pollutions,  et  qu'il  s'y  desplaise,  et  cependant  que  nous  demandions  a  nostre  Seigneur  Iesus  Christ,  qu'il  nous  lave,  et  nettoye  de  son  sang,  a.  ce  que  nous  puissions  apparoistre  devant  la  face  de  Dieu  son  Pere,  comme  purs.  Or  nous  n'avons  point  a  faire  cela  seulement  un  iour  la  semaine,  ni  pour  certain  temps,  mais  il  nous  y  faut  continuer  toute  nostre  vie:  et  nous  doit  souvenir  de  ce  que  dit  S.  Paul  (1.  Cor.  5,  7,  8),  Que  nostre  Seigneur  Iesus  Christ  a  este  sacrifie  comme  le  vray  agneau  Paschal,  a  fin  que  maintenant  nous  communiquions  a  ce  sacrifice,  voire  en  toute  purete,  dit-il.  Il  ne  parle  point  que  les  Chrestiens  se  doivent  sanctifier  a,  Dieu  une  fois  en  un  an,  mais  qu'ils  doivent  continuer  tout  le  temps  de  leur  vie.  Pourquoy?  Car  le  sacrifice  que  Iesus  Christ  a  offert,  et  duquel  nous  sommes  faits  participans,  est  perpetuel,  et  la  vertu  en  demeure  a  iamais.  Ainsi  donc  que  soir  et  matin  nous  appliquions  nostre  estude  a  ce  qui  nous  est  remonstre  icy,  c'est  a  savoir,  de  nous  sanctifier,  d'autant  que  Dieu  nous  fait  la  grace,  qu'il  veut  tousiours  estre  prochain  de  nous.  Du  temps  que  la  Loy  fut  publiee,  Dieu  commanda  principalement  aux  Iuifs,  Sanctifiez  vous:  car  le  Seigneur  veut  demain  declarer  sa  gloire,  disoit  Moyse.  Or  Dieu  s'est  manifeste  a  nous  en  la  personne  de  son  Fils,  voire