32:46  Abrahae:  et  religio  quae  exosa  vel  contempta  fuerat,  passim  reciperetur.  Sed  cur  potius  audisse  dicit  quam  vidisse?  Respondeo,  hoc  verbo  usum  fuisse  prophetam  ob  duas  causas,  nempe  ut  fideles  antequam  id  completum  esset,  gaudium  tamen  ex  spe  iam  conciperent:  deinde  significat  longe  lateque  spargendam  esse  evangelii  gloriam,  ut  eam  fama  potius  quam  intuitu  cognituri  sint  Iudaei.  9.  Quia  tu  Iehovae  excelsus  super  Mam  terram,  valde  exaltatus  es  supra  omnes  deos.  10.  Qui  diligitis  Iehovam,  odio  habete  malum:  custodit  animas  mansuetorum  suorum,  e  manu  impiorum  eripiet  eos.  11.  Lux  seminata  est  iusto,  et  rectis  corde  laetitia.  12.  Gaudete  iusti  in  Iehova,  et  celebrate  memoriam  sanctitatis  eius.  9.  (Quia  tu  Iehova.)  Quia  iam  alibi  exposui  verba,  pluribus  non  insistam.  Solum  notanda  est  comparatio  inter  Deum  et  angelos  ac  quidquid  eminet.  Nam  omnem  altitudinem  propheta  in  ordinem  ita  cogit,  ut  penes  unum  Deum  resideat  omnis  maiestas.  Id  autem  tunc  plenius  contigit,  dum  in  Filio  suo  unigenito  apparuit  Deus,  qui  viva  est  eius  imago.  Sicuti  enim  prius  obscurior  erat  eius  notitia,  sic  minus  conspicua  fuit  exaltatio.  10.  (Qui  diligitis  Iehovam.)  Hic  Dei  cultores  ad  colendam  integritatem  hortatur,  sicuti  etiam  Paulus  2.  Tim.  2,  19  dicit,  Discedat  ab  iniquitate  quisquis  invocat  nomen  Domini.  Probat  igitur  a  natura  Dei,  nullos  ab  eo  agnosci  vel  censeri  in  numero  servorum  suorum,  nisi  qui  a  malitia  discedunt,  ut  se  addicant  rectitudini:  quia  quum  sit  fons  omnis  iustitiae,  omnem  iniquitatem  odio  habeat  necesse  est:  quia  se  ipsum  abnegare  non  potest,  ideoque  hac  lege  nos  sibi  devinctos  tenet,  ut  nobis  dissidium  sit  cum  omni  iniustitia.  Quia  tamen  hostium  pravitas  saepe  nos  ad  vindictam  sollicitat,  nec  videmur  salvi  posse  evadere  nisi  malis  artibus:  ut  his  tentationibus  occurrat  propheta,  pronuntiat  Deum  esse  suorum  custodem.  Nam  qui  sub  Dei  tutela  se  agere  persuasi  sunt,  non  certant  cum  improbis,  neque  retaliant  acceptas  iniurias,  vicissim  nocendo  si  laesi  sunt,  sed  suam  salutem  fido  eius  protectori  commendant.  Ita  fraenum  nobis  iniicitur,  ne  molestum  sit  vel  grave  abstinere  a  malitia,  et  servare  puras  manus,  quamvis  nos  improbi  lacessant,  ubi  Deus  animas  nostras  in  custodiam  recipere  dignatur.  11.  (Lux  seminata  est  iusto.)  Confirmat  proximam  sententiam,  ac  simul  obiectionem  anticipat  quae  contra  afferri  poterat.  Videmus  enim  saepe  iustos  male  et  indigne  tractari  ac  si  hostium  libidini  expositi  forent.  Respondet  igitur  propheta,  quamvis  non  statim  suos  liberet  Deus,  arcana  tamen  virtute  tueri  eorum  salutem.  Ac  duplex  est  metaphora  in  priore  membro  versus.  Nomine  enim  lucis  laetitiam