31:46  se  non  venire  sine  certo  et  liquido  vocationis  suae  testimonio:  ac  si  diceret,  non  temere^se  prodire  in  medium,  ut  regnum  occupet,  sed  proferre  Dei  mandatum,  sine  quo  temere  se  in  illum  honorem  extulisset.  Caeterum,  hoc  in  Christo  verius  impletum  fuit:  nec  dubium  est  quin  David  spiritu  prophetico  in  eum  praecipue  respexerit.  Nam  hoc  modo  inexcusabiles  redditi  sunt  omnes  impii,  quod  non  miraculis  solum  probavit  Christus  se  legitima  potestate  a  Deo  fuisse  instructum,  sed  hoc  palam  quoque  fecit  evangelii  praeconio.  Imo  hoc  idem  testimonium  quotidie  in  toto  orbe  personat.  Nam  quamvis  initio  apostoli  Christum  a  Deo  patre  creatum  esse  regem  testati  sint,  deinde  post  eos  idem  munus  obierint  doctores:  quia  tamen  legatione  omnes  pro  Christo  ipso  functi  sunt,  recte  et  apte  sibi  ipse  unus  vendicat  quidquid  per  eos  egit.  Ideo  etiam  Paulus  Ephe.  2,  17,  ^  eius  personae  tribuit  quod  evangelii  ministri  eius  nomine  egerunt.  Veniens,  inquit,  annuntiavit  pacem  propinquis  et  longinquis.  Atque  hinc  etiam  melius  sancitur  evangelii  autoritas,  quia  licet  ab  aliis  publicetur,  Christi  tamen  vocari  non  desinit.  Sic  enim  statuendum  est,  quoties  ab  hominibus  evangelium  audimus,  non  tam  ipsos,  quam  eorum  ore  Christum  loqui.  Atqui  hoc  singulare  beneficium  est,  quod  Christus,  ne  dubia  sit  nobis  regni  sui  maiestas,  propria  voce  nos  ad  se  comiter  invitat.  Quo  magis  cavendum  est,  ne  quod  promulgat  edictum  impie  repudiemus.  (Filius  meus  es.)  Potuit  quidem  David  regii  iuris  intuitu  censeri  Dei  filius,  quemadmodum  scimus,  principes  eo  quod.  prae  aliis  excellant  tam  deos  quam  Dei  filios  vocari.  Sed  hic  Deus  singulari  elogio  Davidem  ornans,  eum  non  modo  supra  cunctos  mortales,  sed  etiam  supra  angelos  extollit.  Quod  prudenter  expendit  apostolus  ad  Hebr.  1,  5,  dum  hoc  nulli  unquam,  angelo  fuisse  dictum  admonet.  Quamvis  enim  angelis  inferior  esset  David,  quatenus  tamen  gestavit  Christi  personam,  merito  illis  longe  praefertur.  Sciamus  ergo  hic  Dei  filium  non  unum  quempiam  ex  multis,  sed  unigenitum  designari,  ut  solus  in  coelo  et  in  terra  emineat.  Quod  autem  Deus,  se  illum  genuisse  pronuntiat,  referri  debet  ad  nominum  sensum,  vel  notitiam.  David  enim  genitus  a  Deo  fuit,  dum  clare  apparuit  eius  electio.  Itaque  adverbium  Hodie,  tempus  illius  demonstrationis  notat:  quia  postquam  innotuit  creatum  divinitus  fuisse  regem,  prodiit  tanquam  nuper  ex  Deo  genitus:  quia  homini  privato  tantus  honor  haberi  non  poterat.  Eadem  in  Christo  quoque  relatio  tenenda  est,  non  enim  genitus  dicitur  nisi  quatenus  Pater  Filium  suum  esse  testatus  est.  Scio  locum  hunc  de  aeterna  Christi  generatione  a  multis  fuisse  expositum,  qui  et  in  adverbio  Hodie,  argute  philosophati  sunt,  ac  si  perpetuum  actum  extra  tempus  notaret.  Sed  huius  vaticinii  fidelior