29:46  nous  poursuyvons  tousiours  nos  meschantes  cupiditez.  Or  tant  y  a  que  ceci  n'est  pas  escrit  en  vain.  Ainsi  donc  n'estimons  pas  que  Moyse  ait  ici  amasse  un  langage  superflu,  quand  il  dit:  Leur  vigne  est  du  plant  de  Sodome,  et  du  terroir  de  Gomorrhe:  et  puis  leurs  grappes  sont  d'amertume,  il  n'y  a  que  fiel  d'aspic,  leur  vin  est  venin  de  dragon.  Quand  il  assemble  toutes  ces  choses,  c'est  pour  nous  monstrer,  que  nous  ne  saurions  nous  eslever  a  l'encontre  de  Dieu,  menant  vie  desbordee,  comme  nous  faisons,  qu'entant  qu'il  nous  est  possible  nous  ne  l'abbreuvions  d'amertume  et  d'angoisse,  comme  si  nous  luy  meslions  du  poison  et  du  venin  en  son  breuvage.  Et  voila  pourquoy  aussi  il  se  plaint,  que  ceux  qui  luy  ont  este  ^insi  rebelles,  ont  angoisse  son  Esprit:  non  pas  (comme  i'ay  dit)  que  Dieu  soit  subiect  a  nulles  passions:  mais  il  monstre  l'iniquite  des  hommes  en  cela,  comme  il  est  dit:  Ils  sentiront  celuy  qu'ils  ont  navre.  Et  comment?  Ou  se  trouveroyent  les  poignards  et  les  espees  qui  puissent  navrer  Dieu?  Mais  il  monstre  que  nos  pechez  sont  estimez  aussi  griefs,  comme  si  c'estoyent  des  poignards  pour  le  navrer.  Or  puis  qu'ainsi  est  apprenons,  veu  aussi  que  nostre  Seigneur  nous  a  choisis  pour  sa  vigne,  qu'apres  nous  avoir  plantez  il  prend  tant  de  peine  tous  les  iours  a  nous  cultiver:  apprenons  (di-ie)  de  ne  point  luy  rendre  un  tel  fruict,  et  si  amer,  mais  que  nous  regardions  ce  qu'il  demande  de  nous,  et  qu'un  chacun  semploye,  et  que  nous  ne  soyons  point  en  la  fin  condamnez  d'avoir  este  Sodome  et  Gomorrhe,  au  lieu  qu'il  vouloit  que  nous  fussions  sa  saincte  cite,  au  lieu  qu'il  vouloit  habiter  au  milieu  de  nous,  comme  en  son  sanctuaire,  et  en  son  domicile.  Or  quant  et  quant  il  adiouste:  Ceci  riest-il  point  cache  vers  moy?  N'est-il  point  seelle  en  mes  thresors?  Ce  passage  comprend  deux  choses.  Car  en  premier  lieu  Dieu  monstre  que  les  pecheurs  s'abusent,  cuidans  eschapper  de  sa  main,  comme  s'il  avoit  les  yeux  bandez,  ou  qu'il  ne  prinst  garde  a  ce  que  les  hommes  font  ici  bas:  et  puis  il  monstre,  qu'il  fera  quant  et  quant  son  office,  c'est  a  dire,  qu'apres  avoir  cogneu  les  fautes  et  iniquitez,  qu'il  les  chastiera  selon  qu'elles  le  meritent.  Voila  les  deux  articles  que  nous  avons  a  noter.  Or  quant  au  premier,  nous  savons  que  les  hommes  cuident  tousiours  que  Dieu  ne  les  appercoit  point.  Il  est  vray  que  nons  ne  le  dirons  pas  a  pleine  bouche,  et  mesmes  nous  aurions  horreur:  car  si  on  demande  aux  plus  desbauchez,  si  Dieu  ne  gouverne  pas  le  monde,  s'il  ne  cognoist  pas  toutes  nos  fautes:  ils  diront  qu'ouy:  mais  cependant  il  est  certain  que  ceux  qui  le  provoquent  si  hardiment,  sont  stupides,  et  qu'il  y  a  une  brutalite,  qu'il  leur  semble  que  Dieu  n'y  voit  goutte:  et  l'Escriture  est  pleine